ADVERTISEMENT

This area is available for advertisement. Please contact for details.

Arnivang
Get Adobe Flash player

Asopi arta 18 kepar, hemepi pen alokhei along akerap chohang long: High Court

MUMBAI, Jangmi 7: Jongsi alangli ahemsor pen chekak dak pulote ningkan 18 arta athak chepangri pen kachekak asarpimar ason-son akerap asarbura pen kachohang avarsai ketho do pusi Bombay High Court pangdak.
Lasonsi asopi kedo kethak apharman apei ahin pen akerap aloh pime pusi Justice Bharti Dangre pangdak.
Rongsopi along kedo asarpimar pen high court along lamhoi pidet pen atumi kangsai ahutsi lam paklang. Apenan pen chekak dak aphi asopi ningkan 19 arta kedo kethak aphan akerap kachohang aloh kipi ahutsi cherai.
Penanso, alangtum 1988 aningkan si chepangri lo, aphi 1997 aningkan chekak dak lo. Osomar bang kethom sopinso bang hini pen arloso inut atum apei alongsi kachedo dun.
Kachekak ahut asomar arta kangduk saide, asomar kisung kephophe detji aphan asarpi along achiklo jon vangsi asarbura pen kenangsot aphan pi bom lo.
Seta, asopi arta 18 keparpe pen asarbura pen kipiji aphan kroikre det lo.
Apei abang high court along lamhoi det lo, akangtui angdeng kacharliji aphan tangka ahin dure det lo lasi kacharli katikuk ke detji aphan tangka pi bom nangji pusi kehoi along lam paklang.
Apenan pen apei aphan achiklo jon vang sika 25,000 atangka pibom lo lapen asopi aphan abat sika 15,000 atangka nangji pusi kehang.
Asarpi kaningje ke, pinso bang hini do bonta kerap dunji ajakong ave lang, education loan pensi charli-i bom lapen akaprek non anta voreng longle lang.
Alangli kachoningri aphuthak family court pen kroikre det alam kaningje ke, Code of Criminal Procedure (CrPC) aron ateng under section 125 (1) (b) pulote arta kangduk a-osomar atum aphansi pi unchot.

Leave a Reply

Your email address will not be published. Required fields are marked *

April 2018
M T W T F S S
« Mar    
 1
2345678
9101112131415
16171819202122
23242526272829
30  
Archives