ADVERTISEMENT

This area is available for advertisement. Please contact for details.

Arnivang
Get Adobe Flash player

Salman Khan ningkan pho jail kachethap nangji aphan kapangdak

Mumbai, Jangmi 5: 1998 aningkan thijok ke-ap alamki aphuthak Salman Khan aphan ningkan pho jail kethapji aphan pini kangpangdak. Police a jeep kelok pensi Salman Khan Jodhpur Central Jail kepon.
2006 aningkan ta alang laso a jail along jo trok dodam nanglo.
Salman Khan ke inut aphong-aphong aron karkan abangphu lasi alang aphuthak langsai pasodakji aphansi court along rosecution kehang.
Salman aphan ado pedosi alang ke inut aphong-aphong aron karkan abangphu pusi court pen pangdak. Halaso ahut alang okhi ta pathi pusi than.
Salman Khan aphan court along pen jail ponphit po lapen laso aphuthak kenangji-an asai deng lo pusi police saiphu than.
Kacholangrem alamki pen kachingnang Asaram Bapu aphan kebeng Barrack no. 2 alongsi Salman aphan ta biji puta police saiphu jai.
Jail along kedo tang gangster Lawrence Bishnoi Salman aphan kether alam keklang ajok Barrack no. 2 along raikom saikhi kapaton pangching lo.
Dhorom akuru Asaram Bapu, 2013 aningkan alang ashram along inut school kacharli arloso oso aphan kacholangrem alamki pen jail kachethap ningkan pho dolo.
Jodhpur adung ingnam ajo thijok jon ni ke-ap alam pensi Salman Khan aphan kenep. 1998 aningkan alang “Hum Saath Saath Hai” lamarjan amohor ke-en bom ahut alam. Lamarjan cheparjan rappet Saif Ali Khan, Tabu, Neelam lapen Sonali Bendre atum ta alanglong dun pusi pu, seta latum ta dodun pu angthek kithirklong kelongle det ajok laso alamki pen pajok phlot.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives