ADVERTISEMENT

This area is available for advertisement. Please contact for details.

Arnivang
Get Adobe Flash player

Ratpangri ajakong kali, Assam a ratsi kethelang: Atul Bora

Khanapara along AGP amaipi kangni

IMG-20180405-WA0030IMG-20180405-WA0026GUWAHATI, Jangmi 5: Assam ratpangri alongklam along AGP asong non anta jakong dolang puke pini Khanapara booth level amaipi alongsi angthek klangdak lo. State angkangpi kaprek-kaprek adim pen ongdung klembang atum cheto dunsi AGP ajakong chepaklang lo. Kedamtan penang an aningkan aphi pini lapuson amaipi along kachingrum ke-ong thu aphuthak klembang atum ta ning karong chepaklang lo. Labangso amaipi kechengsi asai kedeng along AGP a meiphu Atul Bora chikimo amelur kaisi ingpu lo. Laso aphi chief minister barim Prafulla Kumar Mahanta, working president Keshop Mahanta, meiphu barim Brindabon Goswami, jabang Phanibhusan Choudhory pen danglok ongdung jabang atum kachikimo amelur kekai along cheto dun. Meiphu Atul Bora kachepahemphu amaipi along sankur chunbang Dr. Kamala Kanta Kalita mai kepha alamthe jai. Mai along song a meiphu lapen Asom Agriculture a minister Atul Bora kejai ke Assam along sankur arat aning kachethe aphuthak chiripsi AGP asong paprang po lapen kevangji arni asitin kilik along kehai angthek paklang po pu ningjesi Assam apharman lamdok-lamthu kebai along arjuje pin pensi sai klemji pusi chechak. Khei achethe asitin kisung along AGP arjap dunji lapen mo-mo ta arjap dunverji puta Atul Bora ningjesi rat a kisung-kiduk along karjap dunverji aphansi klembang atum aphan choningri. Alangli kejai thuke jakong kali khei apharmansi kethelang puta ningjesi Assam apharman jongsi kopene kechaknap mate kebeng-kephan dokok pulote ratpangri pen chevang juiji pusi ningje.
Chief minister barim Prafulla Kumar Mahanta kejai ke, jakong kedo regional asong ave pulote Assam raikom un-eh. Assam det kali detpi angkang along ta regional asong nangbat bom lo pusi ningje. Congress kachari kechokche ajoine state along administration mate hamphang achethe pangduk vok lo pu akoi vansi state akangkangpi kado kave akhei lapen ove kimi atum jasemet petke regional abang pangtangsi rat apharman klem nang po pusi choningri. Lason thak thaksi Bridabom Goswami, Keshop Mahanta atum song ajakong kapangtang nangji alam aphuthak jai. Mai along AGP sankur chunbang Pradip Hazarika, Youth Council a meiphu Sunil Deka, Women Council a meiphi Borda Kalita, Tea Cell a meiphu Deba Kanata Kurmi, MLA barim Javed Islam, minister barim Hiranya Kumar Konwar lapen Dima Hasao pen Debojit Thaosen atum chetong dun.

Leave a Reply

Your email address will not be published. Required fields are marked *

BREAKING NEWS
April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives