ADVERTISEMENT

This area is available for advertisement. Please contact for details.

Arnivang
Get Adobe Flash player

Mohon Timung arong dolong kaheno ajok rat kacheleng kisung

IMG-20180405-WA0063Diphu, Jangmi 5: No. 21 Borjan constituency angkang Hidipi Mohan Timung arong adolong kememe det ajok rat atum kacheleng kisung.
Birta kelong dun ateng ke Hidipi Mohan Timung arong along Dillai alangroi isi do, laso alangroi parai don pharo sose Karbi atum hako pen ta dobom pen nonke rong barimsi man lo. Laso alangroi lang kethe apor ahut langroi parai kedo arong arat atum kachekapji aphan thedung aksiung do.
Non kekreng apor ahut parai kachekapji aphan pusi rong arat atum chek adolong cheselamsi cheleng bom lo, seta barla arve kejang ahut ke laso a dolong ta lang pondet titi pusi rong arat atum chethan. Laso ajoine aningkan vang ta rong arat atum thedung akisung chetong nang puta chethan.
Longki Timung PWD EM kikhi bom ahut rong arat atum pen dolong kave akisung alam aphong-aphong chethan dam lo lapen choningri dam lo. Seta alangli dolong kedon pipe det ajok non puta rong arat atum kisung chechak nang lo.
Non lang thethe ako ke rong arat atum chek adolongsi cheleng bom lo, seta barla arve nang jang lote sung lipo pusi non penta rong arat atum kapheremek dolo. Lasi non kachari KAAC ajakong kedo atum rong arat akisung kapajokji aphan prapjin pen mesen adolong nang selam pi nangji pusi Hidipi Mohon Timung arong arat atum choningri.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives