ADVERTISEMENT

This area is available for advertisement. Please contact for details.

Arnivang
Get Adobe Flash player

Mirabai Chanu aphan DSP anghoi pinangji arong asor kehangpi

Imphal, Jangmi 5: 21 aphong Commonwealth Games kachepate along pini weightlifter Saikhom Mirabai Chanu, India apharman kechengsi gold medal kevanpi aphuthak Manipur arat ning arong chipisi Chanu amethang alongri kachodo longji aphan Deputy Superintendent of Police (DSP) anghoi pi nangji pusi rat atum kehang.
Australia, Gold Coast along pini 48 kilogram category along alang 196 kg ardi rungsi akimi Games record bilo. Chanu ke Manipur, Thoubal alongri arlo Poirou Khongjin arong asor. Alang non amat ke Indian Railways alongsi ssai keklem dun.
Chanu, gold-medal  kelong abirta kelong pen Poirou Khongjin asong along Holi ningarong asonsi kilun kekan pen so-arlo asong atum ning arong pen rong chivit.
Chanu aphan DSP anghoi pi nangji pusi hadak arong arat atum kehang. DSP anghoi pilo pulote alang Manipur chedo longpo pusi gadak arong arloso inut S. Priyanka kaningje.
Alang gold medal kachepalong ke det lapen Manipur alongri aphan nong-e lo. Alang ke inut ahokpet a Manipuri lo puis Manipur chief minister N. Biren Singh ta kaningje.
Sports minister Letpao Haokip lapen social welfare minister Nemcha Kigpen atum ta Chanu gold medal kelong aphuthak alangphan hirjume pajir.
Alang mesen pen WCG along kehai dun aphuthak kado-kave India aso anong the-i dun pusi chief minister barim Okram Ibobi Singh ningje. Ke CM kedo ahutke boxer M.C. Mary Kom aphan Superintendent of Police (SP) anghoi an parlu lo. Alongri tin sports complex kim lo. Kidukdet alongri penke netum along kedo-an ason kapathu abagphu/bangphi atum aphan kerap pilo puta alang ningje.
Non amat ke Chanu aphan police anghoi kipiji alam Biren Singh pen pangdakde lang lapen tangka kapajirji aphanta state cabinet pen chingkike lang.
Padma Shree anong-e kelong ahut Chanu aphan kedamtang aningkan Manipur government pen sika 20 lakh atangka pajir.

Leave a Reply

Your email address will not be published. Required fields are marked *

April 2018
M T W T F S S
« Mar    
 1
2345678
9101112131415
16171819202122
23242526272829
30  
Archives