ADVERTISEMENT

This area is available for advertisement. Please contact for details.

Arnivang
Get Adobe Flash player

Commonwealth Games 2018: Manipuri weightlifter India apharman kechengsi gold medal kapalong pi

GOLD COAST, Jangmi 5: 21st Commonwealth Games kachepate Australia, Gold Coast along pini world champion weightlifter Mirabai Chanu (48kg) along India apharman kechengsi gold medal kapalong pi.
Commonwealth along Chanu, snatch along batai kethom kirung ahut 80 kg, 84 kg lapen 86 kg ardi rung.
Aphi, clean and jerk ahut alang 103 kg, 107 kg lapen 110 kg ardi rung.
Alang 2014 aningkan Glasgow Commonwealth Games along pen mute nonsi angthek keme lo.
Alang CWG along medal kelong non pen batai hini lo. Glasgow along kachepate dun ahut henlo alang kechengsi medal kelong dun. Halaso ahut alang silver medal si kelong.
Government of India pen pining alangphan Padma Shri anong-e ta pajir.
Alang 196 kg ardi (86 kg + 110 kg) rungsi gold medal chepalong.
Ningkan 23 Manipur animso World Championships kachepate ahut 194 kg ardi (snatch ahut 85 kg lapen clean and jerk ahut 109 kg) kirung helo kedamtang-an ke kirung ardi ke-ongnei. Seta pini alang 196 kg ardi kirungthu pen lasi alang kirung ardi ke-ongnei man lo.
48 kg category along silver kelong dun Canada asor Amanda Braddock ke snatch along 76 kg ardi ansi rung-un chot.
Pinso anat 56 kg event along India asor P Gururaja India apharman silver medal vanpi.
21 aphong Commonwealth Games kapathu along Gururaja henlo India apharman kechengsi medal kevan pi. 56-kilogram category along alang silver medal si kelong. Seta, India apharman gold medal ke Manipur animso Mirabai Chanu henlo kapalongpi cheng.
Gururaja, snatch along 111 kg ardi lapen clean and jerk along 138 kg ardi rung si kado-kave 249 kg ardi rung pen silver chepalong dun.
56-kilogram category along Malaysia asor Izhar Ahmed 261 kg ardi rungsi gold chepalong. Kedam tang aningkan Commonwealth Championships penke pining alang ilin lo kirung ardi kebatthu. Alang snatch along 117 kg ardi kerung pen akimi games record bikok lo. Kedamtang anke 2010 aningkan New Delhi along Ibrahim 116 kg ardi kirung helo games record kedo. Alang clean and jerk along ta 144 kg ardi rung. Non adihu henlo alang clean and jerk along kirung ardi ke-ongnei.
Sri Lanka asor Chaturanga Lakmal kado-kave 248 kg ardi rungsi bronze chepalong. Alang snatch along 114 kg lapen clean and jerk along 134 kg ardi rung dun.

Leave a Reply

Your email address will not be published. Required fields are marked *

April 2018
M T W T F S S
« Mar    
 1
2345678
9101112131415
16171819202122
23242526272829
30  
Archives