ADVERTISEMENT

This area is available for advertisement. Please contact for details.

Arnivang
Get Adobe Flash player

Session along Industry a minister Chandra Mohon Patowary manghu meme alam kaningje

State along kedorplup industry do-ansi ratpangri ahin pen chiklo bainong aphuthak sai dengpo: Patowary

GUWAHATI, Jangmi 4: Session along ke-ongdung asaikam karju alamthe kethak dunji aphan arpu dengsi minister Chandramohon Patowary ahin pen asitin karju alam thak dunsi arnivangta akimi-akimi lamki kedoji meme alam nangklanglo. Laso along speaker Hitendra Nath Goswami ahin penta chekroi dunde det lo. Akaprek arni asonsi pini ta session arlo karju kethak apor ahut AGP MLA Pabindra Deka ketok pen karju ahut minister Patowary kethak alam pen masapso hur cholo. MLA Pabindra Deka ahin pen karjuke state angkangpi kaprek- kaprek jung-jung akor (industry) along kijumnai abainong pen kecharli ke-ong abangphu bangphi atum kachongdat dun nang aphuthak ning kangsamse chepaklangsi laso aphuthak state ratpangri atum aron selamsi bainong aphuthak sai deng unma pu arjulo setame laso aphuthak minister Chadramohon Patowary lamvoi pisi aprang Congress kechari ahut alam hodamsi aprangke Assam along thangnat kor  kavedet ajoine pini laso akisung dokok lo. State along kedorplup akor ave tik ke company atum pen bainong kapabat mate bainong aphuthak thangnat aron deng un-eh pusi ningje. Alangli kaningje thuke Skill Employment & development asaikam atum kaprek-kaprek asaikam mate institute along voreng anghoi klang pulote registration kedo atum amen si kelo lo voreng kipiji aphan sai dengde. Non kechari aratpangri ahut 7000 crore atangka kaprek-kaprek a company atum rap dun lo. Halahai a company along state angkangpi ongdung voreng kave abangphu bangphi atum chongdat dun longpo. Setame bainong ahin ratrpangri atum thangnat asai deng un-eh. Kedorplup akor do pulote hadak kachongdat dun achokomar atum avarsai chorisi akaprek acompany along dam unpo lapen company atumta avarsai pijokje detpo. Setame laso along Assam alongke kachiksak do. Kedamtang aratpangri ahut thangnat akor kave det ajoine pini lason cheplang nanglo. Assam along registration kedo kethek kere  voreng kave aphaike bang 16,65,866. Laso angbong Engineering Bachelor digree bang 7,804, master degree bang 9,736, Science master degree bang 5,096 lapen comers along master degree bang 1,744.

Leave a Reply

Your email address will not be published. Required fields are marked *

April 2018
M T W T F S S
« Mar    
 1
2345678
9101112131415
16171819202122
23242526272829
30  
Archives