ADVERTISEMENT

This area is available for advertisement. Please contact for details.

Arnivang
Get Adobe Flash player

Bohag Bihu aprang bang 6 aphan minister pekthu po

BJP pen bang 4, AGP pen 1, BPF pen 1 pekpo

GUWAHATI, Jangmi 4: Sarbananda Sonowal kechari Assam ratpangri along kapapleng nangji kedolang minister anghoi  narkep angbong pen bang trok aphan Bohag bihu aprang-aprang minister pek thupo pusi birta longdun. Laso along BJP pen bangpli, AGP pen inut lapen BPF pen inut pek po. Ratpangri ahin pen isi angkrak birta kelong dun atengke kevangji Jangmi niphai sirkep arni kalite kep arni Assam ministry along minister anghoi pabat thupo. Non amatke laso aphuthak kedo-an asaita keklem patanglo lapen BJP tiri a meiphu Amit Sah pen danglok RSS atumta chekroi dun lo. Minister kepekji along amen kelong dun atengke AASU pen BJP along kachingbe dun BJP a MLA Tapon Gogoi, Congress pen BJP along kachingbe dun mate minister Dr. Himanta Biswa Sarma aning kachethenai BJP a MLA Piyuj Hazarika, BJP meiphu barim mate Guwahati LAC MLA Hidhartha Bhatacharya atum minister kelong dunji abangke angring thetan lo. Lason thak thaksi AGP pen ke Bongaigaon LAC a MLA Phonibhuchan Choudhory lapen BPF pen
MLA Imanuel Musahary atum minister kelong dunji aphan amen klang dun lo. Setame Inglong ahavar hini a district  Karbi Anglong pen Dima Hasao pangrum pet bang pho a MLA pen non amatke inut amenta klang dunde lang. Minister kepekji alam pen Jangmi niphai kethom arni Delhi arongsopi along RSS jabang Bahistha Bujorbaruah, Phoni Sarma lapen Sankar Das atum chetong dunsi BJP tiri a meiphu Amit Sah pen kachingvai amai ingni lo. Laso amai alongsi minister kepekji aphan chekroi lo. Laso aprang state BJP panchayat kilik apharman booth level amai kangni ahut Assam nangkisun BJP a meiphu Amit Sah ajo apor state BJP jabang pen ratpangri jabang atum pen kachingvai amai ingni. Laso ahutsi minister kepekji alamta cherai det lo. Laso atengsi non Bohag bihu aprang aprang Minister kepekji abangke angring kethe binong lo.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives