ADVERTISEMENT

This area is available for advertisement. Please contact for details.

Arnivang
Get Adobe Flash player

Manja along sangti keroi a truck kachingkoi, bang kethom areng keso

IMG-20180404-WA0120Diphu, Jangmi 4: Manja Police Station angkang KANCH a industry athengno todap porphai 10 apor malom ihum Diphu anatthu kevang bom santi keroi a truck kachingkoi.  Birta kelong dun ateng ke, Athik Tisso aTruck AS 09-AC-0934 Diphu anatthu sangti kevan bom ahut katervar kekhang un-eh det ajoine chepharlep lo. Kachepharlep ahut kithi kejang avelang seta bang kethom kachongdat dun atum ahir ingtangrak areng solo pusi birta long dun.
Areng keso atum aphan tongsekot Diphu Civil Hospital along ponsi seh lang dam lo. Non amat areng keso atum aphan Diphu Civil Hospital along seh lang bom lang lapen asapso keme dolo puta birta long.
Meh kecho ajok kisung kepho ahemtun aphan kerap kapajir
Diphu, Jangmi 4: Karbi hijan mate monit angbong kachinghon nonputa pirthe along dolang pu angthek chepaklangsi Monsing Terang atum aphan kaprek kaprek atum kerap kapajir dam.
Pinpurme, kedamtang arni Singhason Constituency angkang Thekarajan ahavar Batlok Sarthe Ke-ap arong amekar Monsing Terang ahem meh kecho det lo. Meh kecho ahut thangnat ahormuta kachepajok dun thekthe det ajoine alangli tum kisung thektik sonsi dolo. Seta Karbi hijan kachinghon kedo kok lang ajoine atumi Bandiat Teronpi, Rupmili Teron lapen Probinson Milik atum amethang along kedo akhi pen kecho kijun ahormu lapen non amat kenangji ahormu heihui kerap pajir dam.
Alangli tum pen kachingthang ape ari pen chenglok kecho kijun ahormu thon damsi kerap pajir dun lo.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives