ADVERTISEMENT

This area is available for advertisement. Please contact for details.

Arnivang
Get Adobe Flash player

Ratpangri akerap kelongji aphan ning chethe nak

Rong arat thurpak tovar kacheselam

IMG-20180402-WA0051Diphu, Jangmi 2: Bokajan MAC constituency angkang Tinglijan Kopabari Garo arong arat thurpak tovar kacheselam.
Pinpurme, kedamtang MAC kilik ahut tovar kaselam piji aphan chechak seta nonputa tovar kaselamle det lapen rat atum arnivang tovar kacheleng akisung kedo kok ajoine sai jokje pini rat atum thurpak tovar chesalok lo.
Rat atum ku napak ot-krei isi tovar along kedo hilik heihui along longle thoksi bui lo. Kedamtang kilik ahut mesen alamchak kipi ajoine rat atum tovar long po pusi ning chepathepik lo, seta ningduk meme alam kedamtang MAC kilik ahut kipi alamchak lamdak asonsi man lo.
Tovar kacheleng kisung lapen non barla arve jang lote la-an sose sung po pu alam rong arat atum chemathasi pini thurpak tovar cheselam lo. Pinpurthume,arnivang school kidun charli a osomar lapen kaprek-kaprek asai aphan arnivang tovar kahelat atum kedamtang penang aningkan pen kisung chechak nang lo pusi rong arat atum kaningri.
Rong arat atum ratpangri akerap kelongji aphan penang an ajir kiding chonghong lo seta kerap kelongji aphan angring kethek longle det ajoine pini amethang amat tovar cheselam det lo pusi birta long dun.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives