ADVERTISEMENT

This area is available for advertisement. Please contact for details.

Arnivang
Get Adobe Flash player

MoS aphuthak MLA Dr. Momim Session along keho dun

IMG-20180402-WA0022DIPHU, Jangmi 2: Assam Assembly budget session along MLA bang kethom atum Karbi Anglong apharman ningje dunde det pusetame Bokajan pen kehaidun a MLA Dr. Numol Momin Karbi Anglong arat akar-i hemprek pen danglok ongdung kenangsot aphuthak hodun lo. Saikam pen kedeng ason-ason kachingthur scheme heihui keklem-kedam lapen Karbi Anglong arat apharman penang-an ardi kedo aphuthak session along hudun lo. Lason thak thaksi piƱi ta UPDS pen centre angbong kachetok MoS alamdon kichun-kichunce alam aphuthak hodun lo. Bokajan MLA Dr. Numom Mumin session along karju ke kedamtang 2011 aningkan UPDS alamdon ateng pen Karbi Anglong along keseng long pli a district koloso angdengsi dolo lapen Diphu, Bokajan, Howraghat lapen Hamren heihui a district komantusi asai keklem po pu aphuthak administration asaikam a minister aphan ketok pen arju lo. Laso ahut saikam a minister mate chief minister pen Industries & Commerce transport minister Chandramohon Patowary lamvoi kipi atengke Ratpangri atum akimi a district lapen sub division kesengji aphan later No. GAG(B)27/2005/22 Dated 17/08/2013. Hulaso ahut revenue minister Prithivi Majhi chairman lapen leter No. GAG(B)27/2005/78, Dated 26/03/2015 hulaso ahut revenue a minister Dr. Bhumidhar Barman patirpisi cabinet seng lo. Kedamtang aratpangri hulaso ahut revenue a minister Dr. Bhumidhar Barman jalinsi cabinet sub committee atum 2015 aningkan Vosik achiklo niphai 12 arni kangni amai alongsi Hamren aphan sub division ensi West Karbi Anglong kesengji aphansi cherai lo. Laso aphi 2016 aningkan Thangthang 20 arni kangni cabinet sub committee ahin pen puthot hini a district lapen sub division 24 kesengji aphan cherailo setame Bokajan, Diphu, Howraghat lapen Hamren aphan halabangso cabinet sub committee district ateng pen cheraire.
Laso aphi ketok pen MLA Dr. Numol Momin karju thuke halabangso lamdon kachetok ateng pen kapanong ningkan isi along sika 90 crore atangka pen non an ko-anlo nangkelo tang, jongsi nanglole lang pulote komantu lo nangkelo po aphuthak karju ahut minister Chandramohon Patowary kethak dun ke Hill Area Department pen kelong alamjai atengke halabangso alamdon ateng pen kapanong atangka aphai ningkan isi along sika 90 crore kali sika 70 crore ansi kachetok along do. Hill Area Department atum non an pangrum pet sika 1202.023 lakh ansi pajir long lo. Jongdame India government atum kelo sika 2060.96 lakh atangka non anta HAD pen kelo nangji dolang. KAAC pen scheme aphuthak kacherai alamthe heihui non anta HAD along pale lelang.
Komantusi labangso atangka kelopo pu karju along minister Patowary kethak ke HAD pen kelong alamjai ateng pen komantu tong kelo pone ke arni kehot avelang setame KAAC pen kacherai alamthe kelong pen pen tangka keloji aphan sai deng po pusi ningje.

Leave a Reply

Your email address will not be published. Required fields are marked *

April 2018
M T W T F S S
« Mar    
 1
2345678
9101112131415
16171819202122
23242526272829
30  
Archives