ADVERTISEMENT

This area is available for advertisement. Please contact for details.

Arnivang
Get Adobe Flash player

Longri arlo loh kacharli aphai kapa-ongji aphan cheroktok amai

Midday Meal, Cycle, Computer, kitap akejoi kepi avarsai rong arat atum cho-en dun thek nangji: AIS Katharson Ingti

IMG-20180402-WA0057HAMREN, Jangmi 2: West Karbi Anglong ahempi Hamren angkang Rongchingdon along kedo Hamren Girl’s School along pini Rashtriya Madhyamik Siksha Abhiyan ( RMSA) pen “Special Enrollment Drive ” aseke kipi.
Assistant Inspector of Schools (AIS) Katharson Ingti kachepahemphu amai along Hamren Girls School Headmaster Pradip Bora mai alamthe kejai lapen alohi kapachini apor en.
Mai along Malong LP School, Porbot LP School along loh kacharli bom a osomar anparta loh thanbang atum chetong dun.
District Education Consultant Dawa Sangpo Lama lamthe kejai ke, ‘jongjung (Private) school kibi along ilitum asomar kachotoi dun pen achiklo jonvang pharo suri atangka kachepadam along ratpangri pen kipi a school along toi dun nangji, athe akejoi midday meal, school uniform, computer pen chenglok kitap, bohi anparta kaprek-kaprek kacharli ahut akenang ahormu an akejoi pensi pilo. Lasi lapuson akejoi pen kacharli avarsai kipi adim ilitum asomar chotoi dunsi varsai keme cho-en dun nangji’.
Sarba Siksha Abhiyan (SSA) asaiphu kejai ke, ‘school drop out student do lang pulote puthot admission pa-en thuji aphan kachetong arat aphan pachini dun.
Ingdeng IX kacharlii abangphu atum jongsi registration keklem kapatang dun longle dolang pulote puthot Jangmipo achiklo niphai 15 an apor pithu lo puta AIS Katharson Ingti jai.
Hamren Rongchingdon Girls School along kedamtang ningkan-5/6 school loh kacharli aphai kijum aphuthak jasemet thanbang kehoi (Headmaster), SMC lapen rong kachari a sarthe adon mekar atum do anta cherap-cheto dunsi ratpangri pen kepi tang a school kalana pameji aphan anghor che-en dun nangji pu alam heihui along chethansi ingsamjin pen mai pachekak lo.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives