ADVERTISEMENT

This area is available for advertisement. Please contact for details.

Arnivang
Get Adobe Flash player

Kachopanglim alamki aphuthak MP, minister, MLA, saiphu pen-pen bang 38 atum aphan lamhoi kapabon

Bang 19 atum aphan ke CID along lamhoi kapabon, CEM barim Jotson Bey pen CCF Abhijit Rabha atum ta amen klangdun

GUWAHATI, Jangmi 2: Sarbananda Sonowal kejalin state ratpangri kachopanglim ahin arkok lorji pu pachethangsi state arlo kachopanglim ajutang kapavirji aphan sai deng lo setame state arlo penang an ratpangri jabang atum aphuthak kachopanglim alamki do. Laso along ajahak MP, minister lapen MLA atum aphuthak ta lamhoi kapabon do lo. Halapu saikam saiphu atum aphuthak ta kaprek-kaprek kachopanglim alamki pen lamhoi kapabon do lo. Pini opposition MLA Debabrat Saikia session along ketok pen karju ahut home department ahin pen minister Chandramohon Patowary angton pen lamjai (report) pisi state along ratchari anparta administration asai pen kacherap asaiphu atum kosonsi kachopanglim along kacherap doma aphuthak pachini. Alangli kapachini atengke non amat ke MP, MLA, saiphu pen-pen bang 19 atum aphuthak CID alongsi lamhoi kapadon dolo lapen kachopanglim alamki pen pangrum pet bang 38 atum aphuthak lamhoi kapabon dolo. Minister Patowary kaningje thuke kelong aphan te akele khi-adat kachepangcho alamki pensi MLA Serman Ali pen Rockybul Hussain atum aphuthak lamhoi pabon lo. Serman Ali aphuthak kedamtang 2010 aningkan Jangmi kechengsi arni lamhoi pabonsi
Rockybul Hussain aphuthak ke laso aningkan There 23 arnisi lamhoi pabon lo. Lason thak thaksi aronre jakong kachepherangtap lapen kether-kehap thap alamki pen Rockybul Hussain, minister barim Atuwa Munda, Akon Bora, MLA barim Ataur Rahman Majhar Bhuya, Abdul Mahid Majumder aphuthak lamhoi pabon lo. Akon Bora aphuthak ke kedamtang 2017 aningkan Aru achiklo 26 arni Ataur Rahman Majhar Bhuya aphuthak ke, 2016 aningkan Phaikuni 3 arni, Abdul Mohid Majumder aphuthak ke kedamtang 2015 aningkan Phaikuni 2 arnisi lamhoi pabon lo. Halapu Forest asaikam along IFS asaiphu V.K Bishnoi, D. Mathur, Abhijit Rabha, Assam tea Corporation Limited IAS asaiphu Horish Sonowal, CEM barim Jotson Bey, Panchayat pen Rural Development asaiphu Ahmed Hussain, Social Welfare Dilip Borthakur, Kumud Kalita, Mridulananda Sarma, home department along asai arpu kijuttang secretary Ganan Pator, APS asaiphu Satyaraj Hazarika, Assistant Engineer Dinesh Sarma, Giyasuddin Choudhory, Joy Binon Nongomili, Benu Madhab Pal, development office Pradip Kumar Hazarika pen danglok pangrum pet bang 38 asaiphu atum aphuthak lamhoi pabon lo. Latum angbong penang an atum aphan ke nep lo lapen kado kave atum aphuthak ta katarlip asai deng bom lo.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives