ADVERTISEMENT

This area is available for advertisement. Please contact for details.

Arnivang
Get Adobe Flash player

Mobile kongbop pen inut ariso areng keso

IMG-20180401-WA0030Kheroni, Jangmi 1: Detpi angkang arlo abatai-batai mobile kangbop aphuthak birta ingdak bom asonsi pini West Karbi Anglong Kheroni police station angkang Thesobill arong along ta edon ahem mobile kongbop ajok inut ariso areng keso.
Birta kelongdun ateng ke todap porphai 8 apor malom Thesobill arong amekar karlitang Andres Hanse asopo Elbert Hanse ingdeng sirkep kacharli ariso amethang Samsung a mobile pant a jahep chethap thotsi hem achatai along ingnilun ahut men-men mobile kangbopder ajok ahir ingtangrak areng so lo. Mobile kangbop ajok Elbert Hanse kachi-ih dong a pant ta me chodet lo. Bonta adung-arei arat cheto dunsi pant meh kecho pamep dun lo. Tongsekot seh kapalangji aphan Kheroni hospital along an pon lo. Non amat Kheroni hospital alongsi Elbert Hanse aphan seh lang bom lang.
Kepho Hanse akeng thap ar-eh anat areng solo. Mobile ingbodet men-men ajahep pen ensi pangjar lo aphi vardet ta mobile amehi sujin lo.

Leave a Reply

Your email address will not be published. Required fields are marked *

April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives