ADVERTISEMENT

This area is available for advertisement. Please contact for details.

Arnivang
Get Adobe Flash player

Hamphang kapachingthurji aphan pherangke, ove kimi, api atum atum arpu thedung: Dr. Amolendra Chokroborty

Guwahati along Yuva Sanmilan

Angkangpi aphan mathathe pulote Asom ke chekakjam po: Longsing Teron

IMG_20180401_115542DIPHU, Jangmi 1: Hamphang kapachingthurji aphan jasemet petke pherangke, ove kimi lapen api-apo atum arpu thepik pusi pini Guwahati arongsopi PWD Convention & Training Centre, Dispur along hamphang kapamesenji aphan ok-karjang (Youth) atum keklem-kedam nangji arpu aphuthak chethan-chimum amai kangni ahut tokbang mate Guwahati University a professor Dr. Amolendra Chokroborty ningje. JAFA pen Yuva Sanmilan Committee atum kapatirpi bangso amai along professor Dr. Amolendra kejai thuke non apor ahut Hamphang ajakong Bob bomlo lasi ilitum e -ot idur chelar vek nangpo. Akeme abangsi rim nang po lapen akaheno ajutang aban ke var nang po. Methang jungjung aphan mathathera angkangpi kemesenji aphansi matha hur nang po. Laso along jasemet petke ok-karjang atumsi cheparideng thip nangji puta ningjesi nahok le do dam ta elam-eki lapen jutang-jubat chepangbobe det nangji pusi ningje. Alanglitum kejai thu ke hamphang kapamesenji along pherangke ahin penta penang an akerap dolo. Lasi komane inutbak hamphang apharman kemesen asai keklem paklang pulote halabangso abangphu aphan birta along paklangsi pachethang nangji. Akaheno asai keklem along kejong dun lapen pakeng dunthek pulote hamphang mevekji pusi ningje. JAFA ameiphu Longsing Teron kejaike kupu atovar keja ponsi hamphang mesenji ma laso along ove kimi atum arpu thepik. Lasi kejalin atum japon pameka nangji. Khei kapangri pen monsan pado thek nangji lapen pherangke atum ta arpu thepik athe kopima ketok kapaklang laso atengsi rat atum ta mathaji. Lasi hamphang kapamesenji aphansi ilitum pherangke atum ta ketok paklang nangji. Asom angkang kai ateng dothip nangji, monsam do nangji lapen chingthur nangji pulote pangrompet pen kamatha mesense pulote chekakjam po lapen hemprek aphansi matha rep nangkok po pusi ningje. Lason that thaksi rat asai klembang Sankar Das penta ove kimi atum keklem-kedam kirip nangji ason than pare. Pini labangso amai along Assam angkangpi kaprek-kaprek adim along pen pherangke, ove kimi lapen JAFA along kacherapdun atum chetong dun.
Bangso amai along Karbi Anglong pen ta chetongdun lapen Julie Beypi ta bangso amo along host dun.

Leave a Reply

Your email address will not be published. Required fields are marked *

BREAKING NEWS
April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives