ADVERTISEMENT

This area is available for advertisement. Please contact for details.

Arnivang
Get Adobe Flash player

Koila Syndicate, Enforcement Inspector pen pen bang 3 kachingnang

GUWAHATI, There 31: Kecho kepanglim ajutang kapajirji aphan Sarbananda Sonowal kejalin state aratpangri atum state arlo kaprek-kaprek adim along kecho kepanglim ahin katarlip kapangching ajok saikam saiphu atum kachingnang dopik lo. Lasonsi Koila alamki along kacherap dun bangkethom transport asaiphu atum CID arideng chingnang. Pini CID asaihem along bang trok Transport asaiphu  Enforcement inspector Chitra Kumar Nath, assistant Enforcement inspector Anurag Sadyinla, Tepuram Bora, Bedanda Gogoi, Enforcement cheaker Madhav Neog lapen Mrigen  Sarma atum aphan todap adap pen CID asaihem along karju patertok lo. Ghonta trok arjudet aphi bangkethom transport asaiphu Enforcement inspector Chitra Kumar Nath, Enforcement cheaker Madhav Neog lapen Mrigen Sarma atum aphan nep ingnang chek lo. Halapu bang kethom  Anurag Sadyinla, Tepuram Bora lapen Bedanda Gogoi atum aphanke aprang pen bail kappa-en mekji aphan CID atum alanglitum aphan padam longlo. Laso along Kamrup Metro district Transport officer Prasenjit Ghose amenta kapatip pon dolo setame alangliphan joike pen Guwahati pen terek plot lo. Alangliphan keraikomji amen pen akaprek asaiphu aphan kenep pusi ajahak atum lam paklang. Halapu koila syndicate atum pen text asaikam ajahak saiphu-saikhi atumta kacherap do puta akoi kevan dolo. Laso aphuthak CID atum bangpli tax asaikam asaiphu atum aphan karju patertok asai deng. Setame bangpli asaiphu aphan non amtke kenep abirta avelang.

Leave a Reply

Your email address will not be published. Required fields are marked *

BREAKING NEWS
April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives