ADVERTISEMENT

This area is available for advertisement. Please contact for details.

Arnivang
Get Adobe Flash player

Arlosomar atum aphan ot langno keklem aphuthak cheroktok amai DC kepha

20180331_105722Diphu, There 31: Assam angkang kaprek kaprek a district along non malom arlosomar aphan kacholangrem lapen apran karmut alam keklang kachimitme det apor ahut Karbi Anglong arlo kacheremekji aphan Deputy Commissioner Mridul Kr. Mahanta pini cheroktok amai kepha.
Todap porphai 10:30 apor pen Diphu Circuit House conference along kangni amai along ICDS, Social Welfare, ASHA, So-arlo hamphang asong, SHG lapen kaprek kaprek hamphang asong asongja atum mai along chetong dun.
Deputy Commissioner Mridul Kr. Mahanta kachepahemphu amai along ADC Junmoni Sonowal, KAAC Deputy secretary Protima Barman pen chenglok law & order anparta hamphang asong asongja J.I. Kathar IAS (retd), Khorsing Teron, Laichan Ingleng, Daniel Bey anparta Town & Country Planning asaiphu, KAAC secretary Birsing Ingti, DTC Engineer Nipu Dutta lapen kaprek kaprek man kedo atum chetong dun.
Mai along Deputy Commissioner Mridul Kr. Mahanta pen Assam angkang kaprek kaprek a district along non malom arlosomar atum aphan kacholangrem lapen apran karmut aphuthak mai along than. La-an chot kali lapuson asai langno Karbi Anglong arlo kephophe detji aphansi pini kachethan kachepare amai pha lo puta DC jai.
ADC Junmoni Sonowal pen hithi angkang pen chenglok rong atok ano along kosonsi kacheroktok pen kedo thekjima aphuthak jai.
Karbi Anglong arlo arlosomar atum jui-phun dam-phun, seta kisung mentu kephojine chipu thek lasi kedo kedam kachere kenangsot pusi Deputy secretary Pratima Barman jai.
La-an chot kali arta kijum arlosomar atum aphan api apo atum kachethan kachepare nangji akenangsot puta alangli jai.
Lason ahut J.I. Kathar IAS (retd) penta Karbi Anglong arlo so-arlo atum kisung kepho alam chenglok anta adim along kacharli dam lapen kachongdat dam so-arlo atum kisung kepho heihui alam than.
Mai along Karbi Anglong arlo lapuson ahoni kepho jokplotji aphan pini amai along penang an chethan chepare. Laso ateng rong lapen anuttin abangphu tin angbong kachethan kachimun bomji aphan mai along cherai.
Pinpurme, India ratpangri pen so-arlo aphan kacholangrem asai kapajumji mate kapavedetji aphan penang an aron selam lo. Laso ahut non akimi aron kaselam ke, jongsi komatne pinso inut arloso aphan kacholangremji aphan kabor-i ahut arloso abangphu pinso aphan areng paso mate apran karmutji aphan klem puseta thang adai en-eh pusi thik lo pusi birta long dun.

Leave a Reply

Your email address will not be published. Required fields are marked *

BREAKING NEWS
April 2018
M T W T F S S
« Mar   Jun »
 1
2345678
9101112131415
16171819202122
23242526272829
30  
Archives