ADVERTISEMENT

This area is available for advertisement. Please contact for details.

Arnivang
Get Adobe Flash player

Longri adangpi Christian adhorom kekroi atum Good Friday katalon

IMG-20180330-WA0007DIPHU, There 30: Karbi Anglong alongri adangpi Christian adhorom kirim atum a monduli tin along Good Friday talon lo. Dhorom kejalin akuru atum pensi sai angdeng kardom pangcheng lo.
Monit akai asangtet ki-ik arni ke mekri-meklang lapen ning-oi ning-duk pensi plengset. Labangso arni ke arni kopai kelangno arni pusi hok po, bonta Jisu Khristo kithi arni (Bhomta arni) ke kopai keme arni pusi hok lo. Pirthe adang amonit atum ta labangso arni ke Good Friday mate Bhomta Keme arni pusi hako penta hok bomsi talon bom vangbom lo.
Lasonsi Karbi Anglong adangpi a monduli tin along katalon asonsi Hidisajir Baptist Church along ta ‘Kristo ilitum apap heihui pen apot thilo’ 1st Corinth 15:03 ‘Neliphan kekroi abang aling ke thi seta reng thuji’ pu athe ensi Good Friday talon dun. Jaimek ateng arnerlo porphai isi apor pen arnam kardom amai pangni lo. Meiphu Pitor Bey, Pastor pensi mai chepahemphu lo. Mai kangthur alun pensi Good Friday talon pangcheng lo. Hidisajir Baptist Church Youth Department pen Hidisajir Baptist Church Women Department atum ta lun cheto parju. Aphi lun lapen lam apor, Pastor barim Jameson Taro pensi kachekobir akardom than, rat pen lun kilun, Hidisajir Baptist Church Women Department dun meiphi Dorty Beypi Bible porphi lo lapen ‘Kristo ilitum apap heihui pen apot thilo’ 1st Corinth 15:03 ‘Neliphan kekroi abang alingke thi seta reng thuji’ athepi aphuthak chunbang barim Jonasing Taro si than pajirmi dam lo. Deacon barim Balison Bey jalinsi Good Friday katalon amai chekak lo.

Leave a Reply

Your email address will not be published. Required fields are marked *

March 2018
M T W T F S S
« Feb   Apr »
 1234
567891011
12131415161718
19202122232425
262728293031  
Archives