ADVERTISEMENT

This area is available for advertisement. Please contact for details.

Arnivang
Get Adobe Flash player

Chepangri arta aphuthak krungsai amai kangni

IMG-20180330-WA0011Diphu, There 30: Pini District Health Society, NHM pen Joint Director IDSP conference hall along “Age at Marriage” mate chepangri arta aphuthak krungsai amai pangni.
Penan kedo pen arloso ke-en aphuthaksi laso amai along chethan-chemun ardi pi. Kai kirla mate non akai along pinso arlo atum ta arta 15-18 aber pensi achor chiri-et titi. Arta plengple aprang lapen ephi-eprang alam chinine ajoine ongdung atum kiduk-kisung atovar pensi nonpu ta chechak nangbom lang. Athe alanglitum along kachini kethek ajakong (Knowledge) kave apot lo. Pinpurme, so-arlo atum aphan api-apo atum ardi kipipe det ajoine ingdeng 10 angdeng le lote penang an atum ke penan chopi det titi. Bangso aphuthak sorkar pen kekhangji aphan isi a Act. selam pen bor-i vik lo seta pini arni anta aprang atengsi arta kijum pen chepachor bom lang. Pirthe along monit atum kethek paprang pik lo, seta arta kijum pen piso some ke-en kejok ave pinlang, lasi lata isi kepaphi dun atovar lo.
Pini DCH along arta kijum pen penan kedo, arloso ke-en alamki hen lo ke-ong dung atum lamhoi kipi (Registration of Case) kelong. Lasi komane ahem jongsi arta 18 pen aber penan chopi thek long pulote Act. ateng lamhoi pidun un lo. Jongsi penan chopi vekji pulote arloso abang arta 18 lapen sopinso abang arta 21 dovek nangji, lake sorkar pen kithik a Act. atengsi klem nang po. Lasi hamphang asong kedo an lapen NGO atum lahei asai kekhang dunji aphan rong atok ano mate kaprek-kaprek adim along cheroktok asai kedeng damsi keme, kali pulote non kithurmi a ove akai along paphi dun hup po. Lasi aprangsi charli ahin pi nanglang. Athe kacharli pensi ajat asai along ta chelar dun unji pusi DCH superintendant Dr. Nakul Shyam jai.
Bangso amai along IRCS, KAB pen chenglok penang an NGOs atum chetong dun.

Leave a Reply

Your email address will not be published. Required fields are marked *

BREAKING NEWS
March 2018
M T W T F S S
« Feb   Apr »
 1234
567891011
12131415161718
19202122232425
262728293031  
Archives