ADVERTISEMENT

This area is available for advertisement. Please contact for details.

Arnivang
Get Adobe Flash player

State arlo 3,033 Irrigation Scheme angbong pen 1,401 a scheme ke ketangte

G U W A H A T I , Thangthang 9: Assam arlo pangrum pet 3,033 Irrigation a scheme do, bonta laso angbong 1,401 a scheme ke non anta patangte lang lapen 1,632 scheme ke patang lo. Laso a scheme angbong pen long 6 a scheme ke major, long 14 a scheme ke middle lapen long 3,013 abang ke minor Irrigation Scheme pusi pini session along Asom Irrigation a minister Ranjit Dutta pangdak. Session along MLA Nurul ketokjir pen karju ahut Minister Ranjit Dutta kapangdak ke, Irrigation a scheme pen 2018 There achiklo an kado kave 6,37,193 hector sai katiki alongle lapen ketangterek mate 1,67,142 hector alongle Irrigation apharman parlo pon lo. Keklem- kedam kapatang 1,632 scheme angbong pen 2017 There achiklo an 446 a scheme ke tang pamekasi asai en long bom lo. 764 scheme abang ke ajahak abangsi en long bom lo lapen 215 scheme abang ke selam thusi en longji lapen 207 scheme ke kasalok un-eh det ajok lapu amatsi mo rui lo. State arlo 2016 aningkan Vosik achiklo kechengsi arni pen non an 33 akimi Irrigation scheme apharman administration approval kelong alar non apor an aprang pen ke-en bom 99 minor Irrigation a scheme asai keklem patang lo. Akimi a scheme aphan 2,412,963 lakh atangka lapen ketang tang a scheme aphan sika 10,390,38 lakh atangka panong lo.

Leave a Reply

Your email address will not be published. Required fields are marked *

February 2018
M T W T F S S
« Oct    
 1234
567891011
12131415161718
19202122232425
262728  
Archives