ADVERTISEMENT

This area is available for advertisement. Please contact for details.

Arnivang
Get Adobe Flash player

Pok ahilong kapaveji aphan Thangthang 12 pen osomar aphan ‘Albendazole’ piji

nrhmDIPHU, Thangthang 9: National Health Mission (NHM) pen kevangji Thangthang 12 pen 17 arni an National Deworming Day talonji pusi pini pherangke amai along pangdak. Pirthe angkang India adet henlo pok ahilong kedo aphai ke ongnei lo. Lasi pok ahilong kapavirji aphan pu mangsi ningkan isi along phong ni pok ahilong adovai kipi asai deng lo. Pok ahilong ke jasemet pet ningkan isi pen ningkan 19 an arta atum along hen lo kelong keong nai. Lasi pok ahilong kapavirji aphan ‘Albendazole’ adovai kipji aphan National Deworming Day pu hoksi school, anganwadi centre, orphanage home heihui along kevangji Thangthang niphai 12 arni pen pi pangcheng po. Bangso adovai lapen ningkan 1-2 arta atum aphan achitim, ningkan 2- 3 arta aphan emu lapen ningkan 3-19 arta atum aphan ta emu an piji. Laso adovai chocolate kecho ason kaheloi pensi cho nangji NHM atum pen kepha pherangke amai along Chief Medical & Health Officer (HQ) Dr. Dinbeswar Bharali jai. Karbi Anglong angkang kedamtang aningkan ahut pok ahilong kipi asai phant 85% ansi un chot. Lasi pining aningkan ke phant 95% an dovai kipiji aphan chesik lo. Karbi Anglong angkang kado kave block 8 do, laso along anganwadi centre 3070, LP school hum 2612 do lapen alongtin a centre tin along medical saiphu atum langchari dunji aphan chesik lo. Karbi Anglong arlo ningkan 1-19 arta a osomar kado kave bang 2,51,000 sose an aphai do, lasi pok ahilong kapathi adovai ‘Albendazole’ kipi kapachetang-etji aphan Medical Department pen chesik pon tang lo pusi pherangke amai along District Programme Manager, NHM Amarjit Tisso pangdak. Pherangke amai along District Media Expert Monsum Singh ta chetongdun.

Leave a Reply

Your email address will not be published. Required fields are marked *

February 2018
M T W T F S S
« Oct    
 1234
567891011
12131415161718
19202122232425
262728  
Archives