ADVERTISEMENT

This area is available for advertisement. Please contact for details.

Arnivang
Get Adobe Flash player

Minister inut ta ave, Assam Assembly along kahuri

ministeraveG U W A H A T I , Thangthang 9: Pini Assam Assembly arnitili kangni kachingvai amai along inut-nat ta minister kachetong dunde det ajok opposition atum kahuri. Pini house along finance, education lapen health minister Himanta Biswa Sarma chetong dunde det. Anarlo kangni amai along Chandra Mohan Patowary kele dun keder. Kachari bom atum kenangsot amai along kedo dunde det ajok minute 15 apharman pasang nangkok lo. Hem arlo kachingvai esek ke aling penta minister atum nang kachetong dun akenangsot pusi AIUDF MLA Aminul Islam ningje. “Langplir lote, arpu kedo lor a minister atum aphan arjuji pulote komatsi nang kethak dun po pu alam chini meme lo. Bonta ajahak atum methang ahem along kenangsot asai do lasi nang chetong dun un-eh puta kroi seta ajahak minister atum karju mate kachiniji alam arjuji pulote laso apharman nang kethak dunji abang nang kachetong dun kenangsot. Ningkan arjon apharman kachingvai along inut aphanta karjuji meme lapen nang kethak dunji abang kave ajok ningduk meme lo,” pusi Islam ningje. Ilitum ahavar pen kachehoilok Tripura, Meghalaya lapen Nagaland along assembly kilik kedokok ajoksi inutnat minister ta nang chetong dunde det loma puta arju meme lo pusi Islam ningje. “Lahai along minister atumta Assam apharman man chipi nangji. Havar along kisung keboi alam Assembly arlo kachingvai along nang kachetong dun akenangsot, chetebokhet ahavar aphan minister atum apor chipi rong abang ke chokche. Ahok lo klem, cherap dunji nangji bonta methang asirkut along ta apor chipi nangji. Longri/havar akisung alam nang kapajokji aphansi ilitum arjap pen nang pahai lo bonta laso along ardi pipe pulote koson lo,” puta Islam ningje.

Leave a Reply

Your email address will not be published. Required fields are marked *

February 2018
M T W T F S S
« Oct    
 1234
567891011
12131415161718
19202122232425
262728  
Archives