ADVERTISEMENT

This area is available for advertisement. Please contact for details.

Arnivang
Get Adobe Flash player

Meghalaya Karbi Association ningkan esek amai kapajut

meghalayakarbiDIPHU, Thangthang 9: All Meghalaya Karbi Association ni ni apharman kangni ningkan esek amaipi pini pajut lo. Meghalaya Lower Dillian arong along kapaman ningkan esek amaipi pini kapajut arni rat amai pangni. Todap apor porphai 10 apor malom AMKA ameiphu O.L Terang kachepahemphu amai along sankur chunbang Hemanto Timung pensi alohi kapachini lapen mai kepha alamthe jai. Mai along alohi sarpo aman pen MP B.S Ingti chetong dun. Chopha alohi aman pen Mondo Kro, Medhi Ronghang, KAIYA meiphu Stalyn Ingti lapen kaprekkaprek ahavar pen ongdung man kedo abangphu atum chetong dun. Pini dak Meghalaya Karbi Association Ingdeng 42 ningkan esek mai kangni thek ke Karbi atum kacheton lapen kachingri angthek lo pusi alohi sarpo jai. Karbi Anglong ahamphang asong KAIYA meiphu Stalyn Ingti kejai ke ningkan esek amai kibi ke Meghalaya Karbi atum kachingrum along ning nang chethe pik lo lapen Karbi atum ke nahokle do seta ning isivet nangji lapen jutangjubat ta isivet nangji’. Karbi atum ke nahok le do seta isivet kisung lo Karbi Anglong kedo atum ta kisung dopik pudam me. Non Karbi Anglong along NRC ta hadak ke Assamese amek pensi ketok ajok amen kechokche dopik pu heihui alam than tekang. Meghalaya Karbi atum pen ta Karbi Anglong akisung along un an ke kacherapkacheto dunji aphan kaike ta kachisik dolo. Karbi Anglong hemprek kelong loh pulote dak kedo a Karbi atum ta reng po pusi jai. Mai kapajut ahut Bihu Ronghang kachoro alamthe jaisi ingdeng 42 All Meghalaya Karbi Association ningkan esek amai ta pachekak lo.

Leave a Reply

Your email address will not be published. Required fields are marked *

February 2018
M T W T F S S
« Oct    
 1234
567891011
12131415161718
19202122232425
262728  
Archives