ADVERTISEMENT

This area is available for advertisement. Please contact for details.

Arnivang
Get Adobe Flash player

International footballer Sing Ronghang aphan chinine det

singronghangDIPHU, Thangthang 9: Himalayan State lapen Assam Electronic Sports Journalist Association atum pen International angdeng football kapathu dun Assam pathu bangphu Sing Ronghang lapen arisangho bang 7 atum aphan ningkan 20 aphi Thangthang 4 arni karcho. Kedamtang 1998 aningkan South Korea Cheau along kapaman Asian Football Championship U-19 along Assam pathu bangphu bang 8 atum Indian apharman pathu dun lo. Laso ahut angdung kiti hai dundet kali seta 5th position anke India aphan parlu dun lo. Laso ahut Assam arlo kedo Karbi Anglong district pathu bangphu Sing Ronghang inut aman kedo klong a pathu bangphu. Alangli Karbi Anglong district along inut kapathu kethekser ajoine alangliphan Assam lapen India pen ke hoksi angtan Asian Football Champion along kapathu dunji aphan ingvai lo. State lapen India pen Sing R o n g h a n g aphan lapu-an aman pilo seta K a r b i A n g l o n g arat atum alangliphan chini abang ave det a s o n s i m a n . Pinpurme, K a r b i Anglong a district along anong kachethang klong football kapathu abangphu lapen kaprekkaprek akapathu along anong kachethang dun klong atum do-oh. Laso angbong pen Sing Ronghang ta inut lo. Alangli ke Jowel Bey a l o n g p h o d u n d e seta aphi dun kri an abangphu l o . Laso a t e n g p u l o t e K a r b i angbong p e n international angdeng along an k a p a t h u du n long ke kechengsi Jowel Bey, adunthu Sing Ronghang lapen bang kethom kechok ke Sanjeeva Rongpi hen lo. Karbi akhei along isi ningduk meme alam ke, Jowel Bey aphan monit atum tengne lang lapen Sanjeeva Rongpi ke pathu bom lang puta pudam un. Seta Karbi angbong adunthu international angdeng an kapathu dun long abangphu Sing Ronghang aphan Karbi Anglong arat atum tengne det. Karbi Anglong Autonomous Council atum angtan a district pathu bangphi Ankushita Boro aphan aman pidunsi Council along hangsi man peng pen archo lo, seta methang alongri asopo somindar angdeng along an football kapathu dun pen Karbi Anglong aphan nongnam kevang abangphu aphan karcho ke aphi alamlo, chini abang anta ave det asonsi man. Sing Ronghang aphan man kipi lapen karcho apot Karbi Anglong Sports Association sankur chunbang Pankaj Teron pen Himalayan state lapen Assam Electronic Sports Journalist Association atum aphan kachoro pajir. Lason ahut alangli puthot kaningje, non kapathu bom ove kimi pathu bangphu atum Sing Ronghang lapen kaprek-kaprek anong kachethang klong pathu bangphu atum ason thakthak charli dun nangji. Sing Ronghang somindar angdeng football kapathu dun thek ke Karbi Anglong arlo kedo football kapathu bom ove kimi atum aphan isi ning arong meme lapen kacharli dun nangji akenangsot puta KASA sankur chunbang Pankaj Teron ningje.

Leave a Reply

Your email address will not be published. Required fields are marked *

February 2018
M T W T F S S
« Oct    
 1234
567891011
12131415161718
19202122232425
262728  
Archives