Dumdumia: Arta nimsopi aphan kacholangrem kabor-i, bang 2 kachingnang

G U W A H A T I , Thangthang 9: Arnivang lamki keklang jutje. Dumdumia along arta kijumhek animsopi aphan bang pli atum kacholangrem aphan kabor-i. Birta kelong atengke, Dumdumia Balisatra asanchom amekar Ali asopi arta ningkan 14 aphansi cholangrem kabor-i. Kisung kepho abang kethan atengke, bang pli atumsi nang kacholangremji aphan bor-i lo. Bonta neli bang hini atum aphansi pangthek un chot. Kachethan ateng Dumdumia police atum Haju along bang hini aphan nep ingnang lapen akaprek bang hini ke kekat chepatu lo. Adai kedo angbong bang hini ke police apham chedan lo lapen alanglitum amen Rafikool Islam pen Amir Uddin pusi pangthek. Alanglitum rong isivet amekar lo. Kachethan atengke, kephovek arloso ahem adung ajo porphai 11 apor si cholangrem bor-i lo. Kekat jui bang hini atum aphan police atum kiri tarlip asai deng bom lo.