Borpani angnam along a ingnar don 12 ahem kipri

VOTHATLANGSO, Thangthang 9: Vothatlangso adung Borpani angnam along monit pen habit a ingnar angbong chetengkheng nangbom lo, lake habit ingnar kachepachong adim monit atum kedo pithip lapen kecho ahormu kadure ajok lo. Laso ajok Thangthang 8 aningve ahur pen kachekak dun a ingnar ejon Borpani anampi arlo rong kachokim Goneshpur pen Bilkaso pu arong arlo lut dam choksi Bonraj Banai, Sanjoy Tokbi, Gyati Banai, Tenga Hanse lapen Mohima Bodo atum ahem pen danglok hum kre hini ahem pri lo. Hem le kipri chot kali biri along karche ason-ason kenangsot arong anta panahok lo. Halapu rong arat atum aphan ta katengkhengji aphan bori lo setame areng keso abang avelang. Pinpurme labangsi a ingnar ejon ningkan photrok angbong bang troktroksi amonit aphan apran en lo lapen ongdung atum aphan areng kapaso dolo. Kisung kepho arat atum aphan Forest asor atum aphan pachini lo setame ardi pipe pusi akoi van.