ADVERTISEMENT

This area is available for advertisement. Please contact for details.

Arnivang
Get Adobe Flash player

KSA Rongplimplam aro keseng

ksarongplimplamDIPHU, Thangthang 8: Karbi Students Association tiripi atum patirpisi Thangthang 7 pen 15 an Historic ‘Long March’ on People Awakening Programme deng lo. KSA amahang kethekvek adim Upper Dillaji LP school along pensi atumi ajak kidding kedam asai pangcheng lo. Dak ahirjume chohang pen barsi penang an ajirkiding dam lo. Laso aphi ajo porphai 10:30 Hapjan ahavar pale, haladak kele pen KSA abarim klembang lapen ajahak KSA klembang atum pen deng dunsi ajo kabohaji aphan dim klong thik pilo. Laso aphi Ajak kiding kedam KSA Rongplimplam aro keseng puthot arni Km 15 anbak ajakkiding damsi Rongplimplam ahavar pale lo. Haladak kele pen anarlo porphai 12:30 apor Rongplimplam KSA atum pen mai ingnisi KSA Rongplimplam aro seng lo. Welson Timung kachepahemphu amai along penang an ajirkiding chingvai chingsai det aphi kado kave chedonsar pen Welson Timung aphan meiphu, Biren Ingleng aphan dun meiphu, Sarlongki Teron aphan sankur chunbang, Rustom Rongpi aphan rap sankur chunbang, Manik Ch. Tisso aphan dihin chunbang, Chonglat Tisso aphan saihem chunbang lapen Rustom Ronghang aphan sikdang chunbang anparta akaprek bang 30 atum aphan klembangphu-phi arpu pek lo. Mai along India kachari aron aloh along ketok article 244(A) lapen kechopanglim aphuthak kachesongji aphanta mai along cherai. Mai along BJP atum kilik ahut kachechak alam do-an kapachobai et aphuthak mai chingki chingvai pusi KSA tiri dun meiphi Rasinja Tissopi birta nangpale.

Leave a Reply

Your email address will not be published. Required fields are marked *

February 2018
M T W T F S S
« Oct   Mar »
 1234
567891011
12131415161718
19202122232425
262728  
Archives