ADVERTISEMENT

This area is available for advertisement. Please contact for details.

Arnivang
Get Adobe Flash player

Kindu keraikomji aphan ratpangri jakong ave det lo

kinduG U W A H A T I , Thangthang 8: Pirthe adang kachethangplup ehong anu a kindu aphan ratpangri atum keraikomji aphan jakong ave det lo. Laso ajoine aningkanvangsi okhung arideng kindu apran dam bomlo. Kindu kithi nang aret ke tebok terai kekomren ajahak state okhung atum kacherap kedokok ajok lo. La anchot ta kali kindu kapathi along BJP along ajahak jabang, klembang lapen saikam asaiphu anparta saikhi atum kacherap dun do pusi pini session along AIUDF a MLA Aminul Islam akoi van. MLA Aminul Islam ketokjir pen karju ahut Forest Minister Pramila Rani Brahma kapangdak atengke kedamtang 2015 aningkan pen 2017 Kindu keraikomji aphan ratpangri jakong ave det lo Ningkan 3 angbong jon 52 akindu okhung arideng apran kedam aningkan an state arlo kaprek-kaprek a ingnam along jon 52 akindu okhung arideng apran dam lo. Minister kapangdak thuke 2015 aningkan jon 21, 2016 aningkan jon 22 lapen 2017 aningkan jon 9 a kindu okhung arideng apran dam lo. Lason thak thaksi Mamun Imdadul Haque Choudhory karju alamthe along kedamtang 2016 aningkan Arkoi achiklo kechengsi arni pen laso aningkan Arkoi achiklo an National Park along okhung arideng jon 60 akindu thilo pusi pachini. Alangli report kipi atengke Kaziranga National Park along 2016 Aru achiklo an jon 10, 2016 Vosik achiklo pen 2018 Arkoi achiklo an jon 14 pen pen pangrum pet jon 24 , Manash National Park along 2016 Aru achiklo an jon 1, 2016 Vosik achiklo pen 2018 Arkoi achiklo an jon 1 pangrum pet jon hini, Orang National Park along 2016 Aru achiklo an jon 11, 2016 Vosik achiklo pen 2018 Arkoi achiklo an jon 19 pangrum pet jon 30 a kindu aphan apran armut lo. Akimi aratpangri arpu dengdet aphi pangrum pet bang 197 okhung atum aphan nepsi jail benglo. Akaprek a state klempar atum kindu kapathi pu MLA Aminul Islam akoi kevan aphuthak Pramila Rani Brahma kethak dun ke klempar arideng kindu kapathi non amatke thang angthek longle lang jongsi angthek long pulote Chief Minister pen chingvaisi sai dengpo pusi ningje.

Leave a Reply

Your email address will not be published. Required fields are marked *

February 2018
M T W T F S S
« Oct   Mar »
 1234
567891011
12131415161718
19202122232425
262728  
Archives