ADVERTISEMENT

This area is available for advertisement. Please contact for details.

Arnivang
Get Adobe Flash player

Hini inglong district MLA atum aphan HAD minister pek serak nangji: KHDPO

DIPHU, Thangthang 8: BJP kachari state ratpangri ningkan hini plengdet aphi ta Karbi Anglong pen Dima Hasao district apharman HAD minister kipipe det aphuthak district hini arat ning ingsamse pusi KHDPO atum birta pangdak. BJP state ameiphu Ranjit Dass pen Assam chief minister Sarbananda Sonowal atum lapuson inglong ahavar arat aphan kelangret kelang-ai asai keklem apot ta ning ingsamse puta jong. BJP state ameiphu Ranjit Dass pen CM Sarbananda Sonowal atum inglong aso arat aphan kapasungji pu binongsi lapuson keklem puta KHDPO atum jong. BJP kachari state ratpangri atum keberthipji aning kedo ajoinesi HAD minister anghoi kepekji alam aphuthak pangkreve bom lo. Inglong ahavar kachingthur lapen monsam kedo thekji aphan pu kapanon HAD minister anghoi kapaveji pu kamathamek ke inglong aso arat aphan aning kapaduk lapen kapatherak ason lo. HAD pen deputy chief minister anghoi ke inglong aso arat aphan akenangsot asonsi do seta BJP atum hini inglong a district pen kachetoi dun bang pho MLA angbong inut aphan ta nonputa pek thekthe det lo. HAD pen loh kacharli ahamphang along aron atang kapa-ong varet ajoine charli osomar atum penang an akisung dolo. Bang pho MLA angbong pen madu aphan ta HAD minister kepekpe det ke inglong aso aphan kelangret binong lo. Lasi HAD minister alam aphuthak kacharju sai alam non Thangthang achiklo angbong pachun nangji. Jongsi pachun thekthe det pulote BJP state ameiphu Ranjit Dass pen CM Sarbananda Sonowal atumsi adai che-en nangji puta KHDPO atum jong pusi KHDPO ameiphu Morningson Teron pen sankur chunbang Sarmi Killing atum birta pachetak.

Leave a Reply

Your email address will not be published. Required fields are marked *

February 2018
M T W T F S S
« Oct   Mar »
 1234
567891011
12131415161718
19202122232425
262728  
Archives