ADVERTISEMENT

This area is available for advertisement. Please contact for details.

Arnivang
Get Adobe Flash player

30 kechok Assam a governor Jagdish Mukhi seme kedeng

30kechokGuwahati, Pre 10: 30 kechok Assam governor Jagdish Mukhi (74) pini Durmi arni porphai 9:55 apor seme deng lo. Guwahati Srimanta Sankardev Kalaklshetra along Guwahati High Court a Chief Justice Ajit Singh si Jagdish Mukhi aphan seme padeng lo.

Seme dengdet aphi akimi a governor Kamakhya mondir along hurmi damsi Kamakhya arnam ahirjume chohang damji. Laso aphi alangli Jalukbari along kedo Dr. Bhupen Hazarika Samadhi Kshetra along ta humri damji.

Andaman & Nicobar Island a Lieutenant governor barim Jagdish Mukhi atumi Urmi arnisi rongsopi along nang sun lo lapen Lokpriya Gopinath Bordoloi International Airport along alangliphan Assam Chief Minister Sarbananda Sonowal si deng dun lo.

Ningkan 74 kepleng Jagdish Mukhi kedamtang 1942 aningkan Matijong isi arni Dera Gazi Khan, Dajal, Punjab, British India (Non ke Punjab, Pakistan) alongsi amahang thek lo. Alangli laso aprang ke Andaman & Nicobar Island along a Lieutenant governor lo. La-an chot kali, Delhi a ratpangri along ta Finance, Planning, Excise lapen Taxation anparta Higher Education a minister keman abang lo. Union Planning Minister Pranab Mukherjee pen alangli det along best planning minister award kelong abangphu lo.

Alangli BJP along kachepadukpik abangphu lapen lapen RSS klembang, Panjab Hindu ahemtun alongsi alangli mahang thek lo. Higher Education Minister kikhi ahut alangli chiklo jon nerkep angbong Guru Gobind Singh Indraprastha University kangpu abang lo. La-an chot kali alangli Delhi Vidhan Sabha along phong ni an kemenai MLA award kedeng abang lo.

2 Responses to 30 kechok Assam a governor Jagdish Mukhi seme kedeng

Leave a Reply

Your email address will not be published. Required fields are marked *

October 2017
M T W T F S S
« Sep    
 1
2345678
9101112131415
16171819202122
23242526272829
3031  
Archives