ADVERTISEMENT

This area is available for advertisement. Please contact for details.

Arnivang
Get Adobe Flash player

Honeypreet aphan police kenep; adai ave pusi chethan

New Delhi, Pre 3: Pini Haryana Police atum Dera Sacha Sauda akehoi Gurmeet Ram Rahim asopi Honeypreet Insan aphan Punjab alongri Zirakpur- Patiala kacheleng atovar along nep long lo. Non amat police arideng si dolang lapen puthot Thelang arnisi Honeypreet aphan court ponpo pusi Panchkula Police Commissioner Chawla than.
Honeypreet Insan amen binong ke Priyanka Taneja. Nonhetjong Chiti 25 arni Panchkula along soluk-sodak atemon kedo pen bang 41 apran kedam lapen bang 250 areng keso dolo. Panchkula alamki aphuthak Honeypreet adai do pu Haryana Police lamhoi pabonsi alangphan Top 43 Most wanted List along amen paklang. Panchkula court pen Honeypreet Insan, Aditya Insan lapen Pawan Insan aphan kenepji aphan arrest warrant pi lo. Anchot kali la bang kethom aphuthak somindar kacheroktokji aphansi Haryana Police pachini.
Honeypreet lamklar kachipi ahut kipu ke Paipai 25 alamki aphuthak nephan akoi nangkipi ke chokche. Kalili alamki nephan nang kapakoi ajok ne manghu-mangram ason pholo lapen ne po seta adai ave pusi video interview along ningje.  Adunthu Honeypreet pen Ram Rahim angbong apo-aso ateng kali achor atengsi kedo pu Honeypreet achor barim Vishwas Gupta akoi kipi alam ta ahok kali pusi chethan.

Leave a Reply

Your email address will not be published. Required fields are marked *

October 2017
M T W T F S S
« Sep    
 1
2345678
9101112131415
16171819202122
23242526272829
3031  
Archives