ADVERTISEMENT

This area is available for advertisement. Please contact for details.

Arnivang
Get Adobe Flash player

BSP jabang Rajesh Yadav aphan apbop, atoi atum bus meh kaichok

ALLAHABAD, Pre 3: BSP jabang Rajesh Yadav aphan Allahabad University hostel athengno apbop. Laso alam pen BSP atoi atum aningkipung chepaklangsi bus ihum meh kaichok pusi police than.
Yadav pen ajirpo Mukul Singh pini the-ang prinprele apor Allahabad University, Tara Chand hostel along matne aphan kachetongdam ahutsi laso alam keklang.
Kedamtang Uttar Pradesh alongri kilik ahut Gyanpur along BSP a ticket pensi Yadav kilik kachedan dun.
The-ang prinprele 2:30 apor malom hostel athengno matne pen kacharvo ahutsi Yadav aphan katengkheng. Yadav aphan apok alongsi hile amu kero pusi Additional Superintendent of Police (ASP) Vineet Jaiswal than.
Hospital along seh langbom ahutsi ningkan 40 arta kedo BSP asong jabang achethe ave detlo pusi ASP Jaiswal than. Aphi post-mortem keklemji aphansi pon lo puta than.
Laso alam aphuthak Yadav achor abang police along FIR pidam lo lapen laso alam along Singh aphansi akoi kipi. Anut kaprek pangthek thekthe abangphu aphuthak ta case tok lo pusi Jaiswal than.
Yadav aphan apran karmut alam arju longsi aning kipung BSP atoi atum Indian Press chowk along chingrum si bus ihum meh kaichok.

Leave a Reply

Your email address will not be published. Required fields are marked *

October 2017
M T W T F S S
« Sep    
 1
2345678
9101112131415
16171819202122
23242526272829
3031  
Archives