ADVERTISEMENT

This area is available for advertisement. Please contact for details.

Arnivang
Get Adobe Flash player

Asontin asai seta kapachunji aphan kaselet pen ning kidingde chevarvek un nangji

Karbi akhei kisung lo puke ili anuttin ta chechinihur lo. Laso akisung pen kachepajokji aphan ahokpet kamatha ove kimi atum kachesongji aphan karjap atum penang an klang lo. Laso ateng jongsi arjapthip pulote kachelar ke dovekji. Seta laso angbong pen kachelar lapen kachere abang dovek nangji. Athe lason akeme keklem atum along ke-ongdung aning kamatha klarsap kali atum do-o lapen kaselet pule pupe seta aning chepadingding vangve atum ta dopik. Laso angbong pen rengmesen pen dolong nangji pu atum ta dopik lang. Kapahin ajahak kedo lang kamatha angthikdut lapen chepaningding pen keklem aning hang seta halahai atum ajok pen tikuk idet titi. Lasi kecheng pen amatsi song jabang atum angbong kachepangthek pensi jabang arpu pek nangji lapen lam amokha chihilile det nangji. Athe non kedamtang apor ahut anta vo aphu kar-i lapen tangka kekhok ajok song kachethak, kemang ateng damde amat amethang ale aphan klem rong, kachepaningding un eh pen kachehodai un eh ajok song pathilot. Lapusonsi non kedamtang apor ahut anta thek long. Ason lapen athe abang ke isi pen isi dokok lo amat pathe mesen ajok kachejok abang ke joike lo seta asai lapen amo abang ke plengple det titi lo. Lasi non ove kimi atum kaheno an ke olap nangpo. Pulonang, kache-o un, aning kiding lapen kaseletle. La kethom ason aphan dengvek nangpo lapen deng pame lo pulote ki un ehdetji alam amatsi ave lo.
Non lasi ha 1986 ASDC akachesong (movement) pen nonhet 2013 aningkan Jakhong 31 arni kesoluk-sodak pen nang keseng JACAS aphurkimo langdam pen lahai asong along rat thurpak kachetodun pini arni kache-o dun ajok lahai asong kangsamri aphuthak konat kopisi kechokche langtarlipsi charli nang po. Bangso aphi ha 1976 aningkan Mikir Hills pen Karbi Anglong kelar kichun lapen UPDS a accord kachetok undet heihui ta langdamvek nangpo. Laso pen aphi kopi apotsi KSA ingtang un ehdet lapen non song ke-ong kechonprop pen esonbak ta kapachun chelang mesen ave det ta langdam lote ili chepakeng thek po. Non ke lahai phurkimo pen ili kacharli ason dovek lo. Lahai langtarlip pen non kevangji akai aphan kemesen kamatha along mesen-mesen asong jabang pacheharjak vek nangpo, seta hala arpu kar-i chot pen amethang kachepareng iji atovar kachesemar ichot abang ke pangton un vek nangpo. Athe non ili kethek long ke isinat asong along ta rat kacheto dunpak puke ave. Lata kopi apotsi rat kacheto dun pak ave det lo? Song jabang atum chematha lo tangka cho en damjoi-joi apot majok ta chinine pusi matha lo, seta lake dip un eh, chini vekji. Athe kipivek atum amat inut bang hini aphan kachethan pen ha chethan chot-chot amat ingdang-o po. Kali puseta hala a contract lapen sakori ave pin pen kecho-kedo lapen akhi-adat pen amatsi monit ke chini det po rat anglum ke latum aphan ke man pipe lo. Lasi rat apharman kachesong keja asong jabang atum aphan ke rat ke cheto dunde det titi lo athe rat apharmansi kachesong pulo amat amethangsi chepaplang rong, lake rat thek prong apot lo.

Leave a Reply

Your email address will not be published. Required fields are marked *

October 2017
M T W T F S S
« Sep    
 1
2345678
9101112131415
16171819202122
23242526272829
3031  
Archives