ADVERTISEMENT

This area is available for advertisement. Please contact for details.

Arnivang
Get Adobe Flash player

Aronre pen tangka kachibi alamki pen Vijay Mallya aphan UK along kenep, puthot bail pen kejok thu

New Delhi/London, Pre 3: Kekat kachepatu kethedung hor abeha keklem abangphu Vijay Mallya aphan pini UK along aronre pen tangka kachibi alamki pen ingnangchek seta lomso aphi bail longsi lothu phlot. Pining angbong London along Mallya aphan kenep non pen phong ni lo.
Central Bureau of Investigation (CBI) pen Enforcement Directorate (ED) atum Mallya aphan case kibi aphuthak London court alongsi ingsai rappet po. Mallya tangka kapadam kapavang aphuthak investigative agency hini atum kaprek-kaprek si tarlip dun bom lo.
Mallya aphan Jangmi 18 arni ta nep lo seta bail ensi jokthu phlot.
Kedamtang aningkan There achiklo India pen katsi UK kedo dam beha klembang Vijay Mallya Kingfisher Airlines amen pen sika 9,000 crore a-loan kachitu tedet ajok India along alangphuthak case do.
Indian authorities atum apharman kedamtang Jangmi 18 arni Scotland Yard atum Mallya aphan extradition warrant pen nep lo.
Central London police station along Mallya dam lo seta aphi bail bond 650,000 pounds tu si alangphan lothu phlot lo.
Laso a case aphuthak Vosik 13 arni kechengsi kangsai padolo lapen Matijong 4 arnisi kangsai padusi ji aphan arni kehot.

Leave a Reply

Your email address will not be published. Required fields are marked *

October 2017
M T W T F S S
« Sep    
 1
2345678
9101112131415
16171819202122
23242526272829
3031  
Archives