ADVERTISEMENT

This area is available for advertisement. Please contact for details.

Arnivang
Get Adobe Flash player

Swachata Hi Seva kapangthir asai dengsi Diphu along ingdeng 148 Mahatma Gandhi mahang kethek arni katalon

DIPHU, Pre 2: Monsam pen chesongsi areng kelok arideng pen India adet kapajok aman kedo abangphu detpi khei apo Mahatma Gandhi pini mahang kethek arni detpi arlo alir-alon pen talon dun lo.
Det adangpi kaprek kaprek athepi ensi katalon asonsi Karbi Anglong district ahempi Diphu arongsopi along ta kapangthir asai kedeng pensi talon dun. Adap apor CEM Tuliram Ronghang jalinsi Diphu Gandhi Park along Gandhi akumlin along mir alek pa-i lapen akengri along melur kaisi ardom ardi pensi jaimek deng lo. Laso aphi Diphu Civil Hospital along kapangthir asai deng dam. Kapangthir asai along CEM Tuliram Ronghang pen danglok KAAC chairman Horensing Bey, EM atum Khonsing Rongpi, Amarsing Tisso lapen Pradip Rongpi, MAC Lunsing Teron, principal secretary Joyshree Daulagaphu, secretary Nirola Phangchopi, SP Dr. G.V Siva Prasad lapen penang an saikam saikhi anparta medical asaikhi atum cherap-cheto dunsi pangthir dun.
Laso ahut chiklo ejon angbong kapangthir verji aphan CEM Tuliram Ronghang ok pran kelang a EM Khonsing Rongpi aphan pinkhat. Prime Minister Narendra Modi amang kaheman “Swachata Hi Seva” kapangthir asai kapleng dunji aphan team Karbi Anglong pen bor-iji pusi CEM Ronghang ningje.
Kedo-kethak adim kapasa-ur pulote keso ta la-an sose si nang bor lipo, lasi methang avaikang, methang adim lo pu chemathasi anuttin abangphu ta chepangthirjirji aphan than pare tekang.

Leave a Reply

Your email address will not be published. Required fields are marked *

October 2017
M T W T F S S
« Sep    
 1
2345678
9101112131415
16171819202122
23242526272829
3031  
Archives