ADVERTISEMENT

This area is available for advertisement. Please contact for details.

Arnivang
Get Adobe Flash player

Rat chari atum ke mongve kevang asonsi dambom vangbomji seta khei lapen jutang ke dambom vangbom nangne

Chapbang kehai,
Neli 25 angdeng zkyf longni adim nanghang nanghanghe sita dun lapen birta endun. Manja along Diphu-Manja Zone kyf lapen Bakalia Kcs zone Dengkimo aklam centre bazar along.
    Non laso KCS ZONAL COMMITTEE atum RUPTALIN KARCHO along KCS central committee atum thang kachisik dun avedet nangnak.
    Central Committee pen observer atum kacheto penang adim thekdun longle. Arontang cheklangdun pli-pli pu anchot nangnak. Seta meiphu pen kongchunbang ke penang arting lo arokom.
Kecham-keche angbong keklem kedam katora do seta, Karbi lamarjan lapen actor/actress, lusepo lunsepi atum lapen CEM/ EM/ MAC atum Ruptalin Karcho along arni arve charsilun pen kacherap cheto dun theklong. Lake isi akeme angthek lo. Ladak sita rat chari pathe thedet thek nangji. Karbi pu angthek pensi klemchot nangji.
    Lasi KCS asong ta Jutang chingthur asong pen isi vet dotang lo. Lasi non puta KCS Conference kapado iset keja a committee chot lang lake. Neli kachini atengke Chondro Sing Kro pen Sanjay Killing si ahokpet ke KCS asongja lang KCS conference avetik ke. Lasi Kongchunbang nonputa bang hini lang. Inut ke general secretary lapen inut abang ke Acting General secretary asonlang. Lasi prapjin pen Conference pado akenangsot lo.
    KCS asong lake kachesong asong lapen Karbi khei Hamphang asong. Ladak, party kaprek kaprek abangphu do lapen penang office bearer atum ke candidate keman atum. Lasi kachari atum keja atum angbong candidate keman atum ongmunak pulote hamphang asong kangthir ke man un-e lo. Laso kaphere meme kcs along do. Jonghe le rat chari aphan kali pusita me ratchari atum candidate keman atum oh et si keme. Pangthir et pen padonang. Ratchari asong amonit pulote power do tangka do. Penang amonit aphanke namdet ji. Tangka kerap ajok alamta kroivek po. Lasi chejor chenam ke laso achatai alongke pajok vek nangji. Rat chari atum ke mongve kevang asonsi dambom vangbomji seta khei lapen jutang ke dambom vangbom nangne. Lasi Karbi arat lapen ove kimi atum kopisi aning kehangma haladaksi angthek langno.
––– Saising Rongpi

Leave a Reply

Your email address will not be published. Required fields are marked *

October 2017
M T W T F S S
« Sep    
 1
2345678
9101112131415
16171819202122
23242526272829
3031  
Archives