ADVERTISEMENT

This area is available for advertisement. Please contact for details.

Arnivang
Get Adobe Flash player

Kijui kelang apharman Kaziranga National Park ingpu thu lo

Guwahati, Pre 2: 2017-18 tourist season esek aphan Kaziranga National Park pini Assam Forest and Environment Minister Pramila Rani Brahma ingpu thu lo.
Agriculture Minister Atul Bora, Assam Tourism Development Corporation (ATDC) a meiphu Jayanta Malla Baruah lapen kaprek arpu kedo atum chetong dun. Brahma ribbon ingtip si pini pen Kaziranga National Park along kijui kelang damji aphan imgpu lo. Pining ke chiklo ejon aprang si kijui kelang apharman park ingpu det lo pusi Forest Department than.
Kedamtang an ke Phaikuni 1 pen Jangmi 30 ansi Kaziranga National Park along kijui kelang apharman ingpu chot. 2016 aningkan jakong kacheharjak long Bharatiya Janata Party (BJP) kejalin a government atum 2017 Pre 1 pen 2018 Aru 30 an park ingpu po.
School along puja vacation kipi ahut api-apo atum osomar aphan Kaziranga nangkijui linji aphan kamatha atum doji pusi pining ke Pre 2 arni park ingpu det lo. Pini ke Bagori range pen Kohora range ansi ingpu chot lang. Akaprek a range ke kangpu paphi chot po pusi Brahma than.
Pining aningkan angbong phong ni Kaziranga langkanglum ajok park arlo kikim kerang penang-an kanahok ason dolo. Lang kethe ahut jon 430 marat api kithi dolo. Laso angbong kindu pen teke ta kithi dun do.
Non amatke Kohora range arlo phant 25 adim ansi jeep lapen ingnar pen dam un chot lang pusi park saiphu than.
Bagori range along pini ke jeep safari ansi ingpu chot jilang puta than. Pre 11 malom pensi ingnar pen kelang damji aphan ingpu po pusi pangdak.
Pirthe along anuk ehong akindu aphai ke-ong nei ke Kaziranga along helo. Kaziranga National Park ajam kethe 430 sq.km do. Ladak Asiatic elephants, swamp deers lapen Asiatic water buffaloes ta do.

Leave a Reply

Your email address will not be published. Required fields are marked *

October 2017
M T W T F S S
« Sep    
 1
2345678
9101112131415
16171819202122
23242526272829
3031  
Archives