ADVERTISEMENT

This area is available for advertisement. Please contact for details.

Arnivang
Get Adobe Flash player

Ingdeng 25 ZKYF kapachun along nang kacherap dun atum aphan kurvangthu pajir lo: Diphu-Manja KCS Zone

Diphu, Pre 2: Non hetjong kapajut Ingdeng 25 Zonal Karbi Youth Festival ruptalin katalon along kacherap-kacheto dun atum aphan KCS Diphu-Manja Zone atum kurvangthu kapajir.
Sai angdeng tin along kacheto dun lapen kaprek-kaprek adim pen kevang KCS Unit atum aphan ta KCS Diphu-Manja Zone atum choro. Ingdeng 25 Zonal Karbi Youth Festival kapachunji aphan tangka pen chenglok nong-eh nang kipi dun anparta jakong-horang pen nang kacherap dun atum aphan ta choro lo.
Mai kapangni aphan adim nang kepek dun MP Birensing Ingti, tirikam amei ameiphu, chunbang lapen kacherap dun abangphu-phi do-an aphan ta KCS Diphu-Manja Zone atum kachoro pajir. Mai esek arve kejangpik ajok inghan kanglit-kangther ahut seta sai angdeng tin along ongdung arat atum ardi nang kipi dun apot ta KCS Diphu-Manja Zone atum pen kachoro pajir lo. Lason thakthak kevangji arni anta jutang-jubat kapangcho asai along rat atum cherap-cheto dun po puta KCS Diphu-Manja atum ning chepathe lo pusi KCS Diphu-Manja Zone a chunbang Moneswar Killing birta pangdak.

Leave a Reply

Your email address will not be published. Required fields are marked *

October 2017
M T W T F S S
« Sep    
 1
2345678
9101112131415
16171819202122
23242526272829
3031  
Archives