ADVERTISEMENT

This area is available for advertisement. Please contact for details.

Arnivang
Get Adobe Flash player

Gandhi Jayanti arni Dokmoka ahithi along kaprek-kaprek atum kapangthir

UntitledDen Arong/Dokmoka, Pre 2: Adap porphai 8 apor Dokmoka BJP asaihem along Gandhi Jayanti alamthe aphuthak mai pangni. Town mondol meiphu Prohalat Timung kachepahemphu amai along EM Raju Tiso chetong dun. District Yuva Morcha dun meiphu Sarsing Timung atum ta chetong dun.
Dokmoka Town Committee pen Dokmoka Press Club atum kapatirpi along charli osomar atum cheto dunsi kapangthir pen kedo-kethak nangji aphuthak cheroktok armu kachejeng.
Armu kachejeng ahut Dokmoka ahithi angkang pangthirsi hithi arlo keter heihui amokha paklar lo. La-an chot kali hithi arlo kedo kulat ahemphu atum aphan keter lapen ke-en eh ahormu varthapthesi dustbin along kevar etji aphan than pachini tekang.
Kapangthir asai kedeng ahut Karbi Anglong Autonomous Council a EM Raju Tisso chetong dun. Laso aphi Dokmoka Town Committee asaihem along pangthir dam. Kapangthir asai dengdet aphi kachepangthir aphuthak kachethan-kachepare amai ingni.
Monindra Narzary kachepahemphu amai along Dhoneswar Talukdar alohi kapachini apor en. Mai along alohisarpo aman pen EM Raju Tisso pen DMTC ameiphu Prohalat Timung atum chetong dun.
Mai pajutdet aphi ingdeng isi pen ingdeng 11 an kacharli a osomar atum angbong arjan kihi pachepate lo. EM Raju Tisso arideng pen pangpusi arjan kihi kachepate pangcheng lo. Arjan kihi kachepate along kehai atum aphan mai along kachetong dun alohi sarpo EM Raju Tisso nong-eh pajir lo.
Mai along Raja Dutta mai kepha alamthe rat athengno jai. Mai along EM Raju Tisso Gandhi Jayanti katalon lapen kachepathengthir nangji alam heihui mai along kachetong arat atum aphan than lo.
Lasonsi Satgaon Diocese Bilievers Church a father Fr. Thanghaow Dimgel, DN Topon Millik, Bewel Hanse atum jalinsi Dokmoka ahithi along pangthir. Kapangthir asai keklem along kacheto dun atum aphan Fr. Kensing Rongphar aning keme pen kado kave aphan sah pajun prui lo.
Lason thakthaksi Sakshar Bharat Mission atum penta Saphai Abhiyan klem.

Leave a Reply

Your email address will not be published. Required fields are marked *

October 2017
M T W T F S S
« Sep    
 1
2345678
9101112131415
16171819202122
23242526272829
3031  
Archives