ADVERTISEMENT

This area is available for advertisement. Please contact for details.

Arnivang
Get Adobe Flash player

Assam alongri puthot lang kanglum pen suri 78,000 arat kisung kepho

GUWAHATI, Pre 2: Assam alongri along puthot lang kethe kevang pen district 5 lang kanglum ajok suri 78,275 arat kisung kephonang. Pining aningkan nihang nirep ahavar abatai-batai lang inglum lo. Non puthot lang kanglum pen chiri 306 ahidi lang inglum etlo. Non aphoi kachopangreng api jon 16,000 amui kisung pholo pusi Assam State Disater Management Authority (ASDMA) than. Non aphoi Assam arlo revenue circle troksi arlo rong 86 lang inglum lo. Lapu Assam pen Meghalaya ahoi Goalpara along lang kanglum ahir ingtangnei lo pusi than.
Tongsekot pen kisung kepho arat aphan kerap dun pen kecho kijun hormu kasalonji aphansi alongritin Deputy Commissioner aphan CM Sabananda Sonowal pachinimek lo. Anchot kali kachepachong aboha along hormu akenangsot kedo kave kelang chari dun vekji aphanta pachini.
Arunachal Pradesh pen Meghalaya along arve kethe-o ajoksi Lakhimpur, South Salmara, Goalpara, Hojai lapen Karbi Anglong district lang kanglum.

Leave a Reply

Your email address will not be published. Required fields are marked *

October 2017
M T W T F S S
« Sep    
 1
2345678
9101112131415
16171819202122
23242526272829
3031  
Archives