ADVERTISEMENT

This area is available for advertisement. Please contact for details.

Arnivang
Get Adobe Flash player

Zonal committee 23 atum ZKYF ruptalin katalon alir-alon pen kichun

UntitledDiphu, Pre 1: Karbi ajutang kapachanji aphan Karbi Youth Festival katalon chot ke chokche pu jutang ajabang atum mathasi kedamtang 1992 aningkan pen KCS a zone tin along ta Zonal Karbi Youth Festival katalon pangcheng lo.
Laso ateng pining 2017 aningkan an Zonal Karbi Youth Festival ningkan 25 plengsi a KCS Zone tin atum pen ZKYF ruptalin talon lo. Karbi Anglong, West Karbi Anglong, Dima Hasao, Kamrup district Sonapur along pen-pen kado kave long 23 adim Zonal Karbi Youth Festival ruptalin talon.
Long 23 Zonal Karbi Youth Festival katalon adim, Amri KCS Zone ke Ulukunchi Inglong Rengnang along, Angjok Haspani KCS Zone ke Langkhang High UntitledSchool Pathu aklam along, Hidipi KCS Zone ke Hidipi Pathu aklam along, Bokolia KCS Zone ke Dengkimo apam along, Balipathar KCS Zone ke Japarajan Cultural Complex along, Chinthong KCS Zone ke Rongjangphong pathu aklam along, Diphu-Manja KCS Zone ke Manja Dengrali aklam along, Den Arong KCS Zone ke Den Arong pathu aklam along, Duarbagori KCS Zone ke Dolamara UMSA pathu aklam along, Dongkamukam KCS Zone ke Donka Sari Ali along, Hamren KCS Zone ke Rongbong Ronghang pathu aklam along, Howraghat KCS Zone ke Sangtimili aklam along, Jengkha KCS Zone ke Chengbong aklam along, Jirikindeng KCS Zone ke Socheng Block pathu aklam along, Langlokso KCS Zone ke Middle Langlokso apam along, Nilip KCS Zone ke Inglong Ikpi aklam along, Parkup Anglong KCS Zone ke High School pathu aklam along, Rongmongve KCS Zone ke Rongmongve pathu aklam along, Singhason KCS Zone ke Disobai High School aklam along, Tekelangso KCS Zone ke Rasinja aklam along, Vothatlangso KCS Zone ke Serdihun aklam along, Dumra KCS Zone ke Sonapur lapen Umrangso KCS Zone ke Umrangso Karbi Club alongsi talon lo.
Botor meme det seta ingdeng 25 Zonal Karbi Youth Festival ruptalin katalon mesen pensi pachun rinti lo. Kapathik tang ateng Chiti 27 pen Chiti 30 arni ansi pajut lo, seta arve kapatora ajoine Duarbagori KCS Zone pen katalon kapajut nangji arni ateng pajut longle detsi Pre 2 arnisi pajut po pusi birta long dun.
Zonal Karbi Youth Festival katalon alongtin Karbi Anglong Autonomous Council ajabang atum alongtin ta chetong dunsi rong-aje katalon along ardi pidun. Kedorde-phophe do-oh seta rong-aje katalon kapatirpi tirikam amei atum chepaduksi ingdeng 25 Zonal Karbi Youth Festival alir-alon pen pachun lo.
Ni thom apharman kachepate along ritnong chingdi, hacha kekan, nimso kirung, banjar kekan, chong kedam, lengpum sokchon, hen-up ahi ke-en kekan. Lason thakthak lunbarim hemphu keplang, bong-oi alun chepacha, oso kebai, lun sampung, pindeng-sumpot kachingthang kachepate, lun sampung, lun chethak, lun cheto heihui anta chepate lo.
Karbi atum akapathu bathali ke-ap, hambi kapathu, nokbe nekat, hirjir ketok, temoso ketok lapen arjan kihi heihui kachepate ta bi lo.
Pinpurme, KARAA atum ta ajahak adim along chetong dunsi mai along Karbi ajutang-jabat alam chethan chimun dun. Alanglitum pen Singhason KCS Zone atum katalon ZKYF along pale dun. Pinpur thume, Singhason KCS Zone kaparlo KCS Unit 17 atum kaprek-kaprek asai angdeng along chepate dun. Kado kave Unit 17 pen bang 850 bangphu-phi atum chepate dun puta tirikam amei atum than.

Leave a Reply

Your email address will not be published. Required fields are marked *

BREAKING NEWS
October 2017
M T W T F S S
« Sep   Feb »
 1
2345678
9101112131415
16171819202122
23242526272829
3031  
Archives