ADVERTISEMENT

This area is available for advertisement. Please contact for details.

Arnivang
Get Adobe Flash player

Jagdish Mukhi Assam a governor kimi arpu kedeng

Guwahati, Pre 1: President Ram Nath Kovind longri pho apharman akimi governor pangdaksi ladak Assam alongri apharman Jagdish Mukhi aphansi akimi governor arpu pek lo. Banwarilal Purohit alarsi Mukhi aphan kapangni. Purohit aphan ke Tamil Nadu alongsi governor arpu kipithu.
Jagdish Mukhi, kedamtang 2016 aningkan Paipai achiklo pen ke Andaman and Nicobar alongsi Lieutenant Governor arpu keklem. Mukhi alar Admiral (Retd) Devendra Kumar Joshi si arpu dengthu po.
1942 Matijong 1 arni Punjab, Dera Ghazi Khan alongri (Non ke Pakistan) alongsi amahang kethek. Aphi 1947 aningkansi Gurgaon alongri Sohna arong nangkacheterek.
Alang RSS along Initial Training Camp kidun 1958 aningkan malom pen lo ratpangri along keklem dun cheng. 1963 aningkan Alwar along kedo Raj Rishi College along ABVP candidate pen alang students union a president chepahai dun lo.
Raj Rishi College, Alwar (Rajasthan) along pensi alang B. Com kachepa-un. Aphi 1967 aningkan alang Delhi University, Shri Ram College of Commerce along pensi M. Com chepatang lo. Alang M. Com tangdet aphi Reserve Bank of India along sai klem dun lo.
Halaso ahut India a prime minister Indira Gandhi emergency kapangdak aphuthak RSS atum pen alang khamkhe dun lo. 1975 aningkan Vosik 25 arni pensi alang ratpangri along keklem kapangtang dun. Alang 1980 aningkan pen pardunron phong troksi Chanakpuri constituency along pen kilik hai dun lo.
Delhi government along Finance, Planning, Excise & Taxation lapen Higher Education heihui arpu alang kachepahemphu dolo. 1998 pen 2008 aningkan an alang Delhi Assembly along Opposition angbong asong jabang dodun lo.
2003 aningkan halaso ahut Lok Sabha speaker Manohar Joshi alangphan Best MLA anong-e ta alangli deng lo.

Leave a Reply

Your email address will not be published. Required fields are marked *

BREAKING NEWS
October 2017
M T W T F S S
« Sep   Feb »
 1
2345678
9101112131415
16171819202122
23242526272829
3031  
Archives