ADVERTISEMENT

This area is available for advertisement. Please contact for details.

Arnivang
Get Adobe Flash player

Durga Karkli ingsamjin pen kapachun

Diphu avaikang long 25 sose adim talon dun

DIPHU, Pre 1: Hindu adhorom kekroi arat angbong ningkan esek pen ephong kethenai kardom-kardi Durga karkli kedamtang Chiti niphai 26 arni pen pangchengsi Chiti 30 arni an ardom-ardi lo. India detpi arlo alir-alon pen katalon along pachetong dunsi Diphu arongsopi pen danglok Karbi Anglong pen West Karbi Anglong hini district along ta ongdung adim talon dun. Diphu arongsopi avaikang Sitlabari, Shivbari, Panbari, Baruwari puja mandap pen danglok pining aningkan long 25 sose adim talon dun. Laso esek Hindu adhorom kekroi arat do-an peh ri akimi chingthangsi kelang dun chetohr-chethor lapen adap apor rat atum chinglu chingthi-et pen karkli adovan along pale dunsi ning kangthirjir amir apu anparta dup-dhuna chekai dunsi pai Durga arnam ahirjume chohang. Ni pli an kardom-kardi kibi esek Durga karli alongtin adovan alongta alir-alon kachipi thek dun long. Lason thakthasi Manja, Bakalia, Dokmoka, Langhin, Phuloni, Denarong, Howraghat, Parakhowa, Bokajan, Deopani, Balipathar, Chokihola, Silanijan lapen West Karbi Anglong district Hamren, Vothatlangso, Amtereng, Tumpreng, Satgaoun, Dongkamukam, Kheroni, Jengkha, Mailu Kanglang atalom malom anta alir-alon pen Dura arkli talon dun pusi birta long dun. Chiti niphai 30 kapajut arni Durga arnam akumlin kiti arni Diphu arongpi pen Manja adak 7 mile along an armu chejeng-chejeng. Amonit pen a gari pen chejengsi 7 mile aroi alongsi Pai Durga aphan lang jok.

Leave a Reply

Your email address will not be published. Required fields are marked *

October 2017
M T W T F S S
« Sep    
 1
2345678
9101112131415
16171819202122
23242526272829
3031  
Archives