ADVERTISEMENT

This area is available for advertisement. Please contact for details.

Arnivang
Get Adobe Flash player

DDKKNA Rup mumang katalon pini chun po

UntitledDIPHU, Pre 1: Hemphu aphan ning chingduk nang, pima alangli kemesen, alangli kanghon ke kaike ta dover pu athepi ensi Diphu arongsopi Cathedral alongklam along kedamtang Chiti niphai 29 arni pen Diphu Diocese Karbi Katholik Nimarli Asong (DDKKNA) rup mumang katalon Penap Pre 2 arni pachun po. Sai angdeng kedeng kedamtang Chiti niphai 29 arni Rt. Rev. Bishop Paul Mattekatt rup mumang katalon ingpu. Laso ahut Diocesam UntitledWomen Commision Secretary Maniki Terangpi, Rev. Fr. Jhon Timung atum pen danglok penang an aman kedo atum chetong dun. Arnikangsam apor Baibel alamthe pen DDKKNA alamthe kachepate. Puthot Chiti 30 arni adap apor Lily Hansepi rup mumang alama ingthur lapen karlitang nimarli atum aphan kachikimo. Laso aphi Lucia Teronpi DDKKNA aphurkimo alam jai. Kachepate ajaimek along ritnong chingdi pen rup mumang kekan chepate. Pre isi arni ajaimek kedeng ke adap apor alohi sarpo Rt. Rev. Bishop John Moolachira aphan kedeng, laso aphi Chokihola Parish atum choir kilun, dovan kebar kekan, dandi kekan lapen baibel kaporhi. Lahai kado kave pachun det aphi ajo apor lunkan amalin lapen nong-eh kapajir amai ingni. Sai angdeng kedeng esek Bible pen DDKKNA alamthe aphuthak quiz kachepate ahut kechengsi Diphu parish, adunthu Dokmoka Parish lapen aphi ke Kheroni Parish. Lun cheto kachepate along kechengsi Hamren adunthu Diphu, ritnong chingdi kachepate along kechengsi kechengsi Dokmoka Parish, adunthu Hamren parish lapen kethom angdeng ke Diphu parish. Theme dance along kechengsi Diphu, adunthu Disobai lapen kethom angdeng ke Sojong. Pini DDKKNA klembang amai pangnisi kevangji aningkan DDKKNA kachariji aphan Lucia Ronghangpi aphan meiphi, Dimi Tissopi aphan dun meiphi, Malini Teronpi aphan sankur chunbangpi, Kabon Killingpi aphan rap chunbang, Susila Phangchopi aphan dihin rimbang arpu pek. Penap Pre 2 arni DDKKNA alama pasunsi DDKKNA rup mumang katalon pachun po.

Leave a Reply

Your email address will not be published. Required fields are marked *

October 2017
M T W T F S S
« Sep   Feb »
 1
2345678
9101112131415
16171819202122
23242526272829
3031  
Archives