ADVERTISEMENT

This area is available for advertisement. Please contact for details.

Arnivang
Get Adobe Flash player

Chinthong ZKYF ruptalin alir-alon pen kichun

Rong-aje mesen pen kapachunji aphan EM Prodip Rongpi thedung kacherap dun

UntitledChinthong, Pre 1: Karbi Anglong angkang kaprek-kaprek adim along ingdeng 25 Zonal Karbi Youth Festival katalon ason thakthak Chinthong ahavar Rongjangphong Sensalu aklam along ta alir-alon pen talon dun.
Chiti 27 arni pen kecheng arong-aje along Chinthong KCS Zone kaparlo KCS Unit kep atum chepate dun. Unit kep atum angbongsi ason-ason Karbi ajutang akekan barim, lun barim, lun kimi, kekan kimi heihui chepate lo.
Rong-aje katalon kapachunji aphan pusi Chinthong ahavar kedo Karbi arong do-an atum inut pen sika 50 atangka chirung lo. Edon pen ZKYF kapatirpi tirikam aphan sika 30 lapen kachepate dunji KCS unit atum aphan sika 20 kado kave pangrumpet sika 50 atangka cherap dun lo.
Rat atum kachirung-kacherek along Karbi Anglong Autonomous Council a EM Prodip Rongpi sika lakh 3 atangka lapen la-an chot kali lighy pen sound system aphan ta alangli sika 85,000 pi dun thulang. Lasi ingdeng 25 Zonal Karbi Youth Zonal Festival Rongjangphong along katalon kapachun along Chinthong a MAC lapen EM Prodip Rongpi thedung akerap pajir dun lo.
Rong-aje kapajut arni Baithalangso MLA Dr. Mansing Rongpi alohi sarpo aman pen chetong dun. EM Prodip Rongpi, VDC chairman Khorsing Senar atum chetong dunsi alir-alon pen katalon ingdeng 25 ZKYF along ardi pidun.

Leave a Reply

Your email address will not be published. Required fields are marked *

October 2017
M T W T F S S
« Sep   Feb »
 1
2345678
9101112131415
16171819202122
23242526272829
3031  
Archives