ADVERTISEMENT

This area is available for advertisement. Please contact for details.

Arnivang
Get Adobe Flash player

Arve kapatora dut ajoine rong aje Chiti 29 arni pensi kecheng

UntitledDolamara, Pre 1: Arve kejangpik ajoine ingdeng 25 Duarbagori Zonal Karbi Youth Festival ruptalin katalon paphi dun chetsi Chiti 29 arni pensi pangcheng dun lo.
Saimek ateng Chiti 29 arni adap porphai 9 apor pen kaprek-kaprek a KCS Unit pen kachetong dun atum aphan deng lo. Laso aphi arnikangsam porphai 5 apor tirikam ameiphu Martinson Timung arideng pen rong-aje arong ingpu lo.
Laso aphi Dolamara Sports Association atum patirpisi arnikangsam porphai 6 apor pen nokbe kekat chebai lo. Arnikangsam porphai 8:30 apor rongketong pensi rong-aje kecheng arni saimek ington lo.
Chiti 30 mate adunthu arni Duarbagori KCS Zone ameiphu Harsing Rongphar arideng pen adap porphai 9 apor song alama pachepur lo. Laso aphi EM barim Raton Ingti jalinsi karlitang atum aphan chikimo lo.  Porphai 10:15 apor Deka Ingti jambilee athon ingpu lo lapen EM barim Benting Terang arideng pen jutang kachepate ingpu. KLNLF chairman P. Dilli arideng pen kachepate ahongjai ingpusi rong-aje along kaprek-kaprek unit atum pen kachepate pangcheng lo.
Laso aphi arnikangsam porphai 7:30 apor Kt. Sarsing Phangcho lunkan amalim paman. Laso ahut Duarbagori MAC Richard Tokbi arideng pensi ingpu lo. Lunkan amalin along kaprek-kaprek ahavar kedo kilun-kekan kethek abangphu atum pen kilun-kekan chepaklang dunsi alir-alon pi dun lo.
Arve kapatora dun pen rong-aje kecheng dun longle rek ajoine Dolamara Zonal Karbi Youth Festival penap Pre 2 arnikangsamsi pajut po pusi birta long dun.

Leave a Reply

Your email address will not be published. Required fields are marked *

October 2017
M T W T F S S
« Sep   Feb »
 1
2345678
9101112131415
16171819202122
23242526272829
3031  
Archives