ADVERTISEMENT

This area is available for advertisement. Please contact for details.

Arnivang
Get Adobe Flash player

Puja pen ZKYF ahithi ingsamri

UntitledDiphu, Chiti 27: Durga Karli (Puja) lapen Zonal Karbi Youth Festival arong-aje katalon ahut monit atum ning arong chipi thekthe det asonsi thek long.
Det adang Durga Karkli arong katalon ason thakthaksi Karbi Anglong pen West Karbi Anglong district arlo ta ongdung adim along talon dun. Lason ahut jutang kapangchoji pu akemang pen Karbi Cultural Society tiri amei kapinkhat ateng Karbi Anglong hini a district arlo Zonal Karbi Youth Festival talon lo. Seta ningduk meme alam ke, contractor a bill kipipe lapen government a chokamar atum kelong nangji atangka puja aprang kelong et vangvele det ajoine monit atum rong-aje katalon ning arong chipi thekthe asonsi theklong.
Laso ahut Karbi Anglong arongsopi Diphu ahithi along kenam-keret atum kijumhek ajoine kulat ahemphu atum anta aning oi rui asonsi dolo. Pinpurme, pini karkli kecheng arni anta hithi along beha keklem atum anta ningrijo asonsi thek long. Seta pini kecheng arnikangsam apor ahut anke, hithi angkang penang an monit kachingsom thek long.
Lason thotsi Zonal Karbi Youth Festival kapachunji aphanta kaprek-kaprek ahavar along kedo KCS Zone atum ningrijo asonsi theklong. La-an chot kali kaprek-kaprek KCS unit atumta kachepate dunji aphan chisik-chedang pen katalon alongklam along pale dun seta kedorde ningrijo asonta thek dun long.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives