ADVERTISEMENT

This area is available for advertisement. Please contact for details.

Arnivang
Get Adobe Flash player

Durga Karkli alir-alon pen kecheng

Diphu avaikang long 25 sose adim talon dun

UntitledDIPHU, Chiti 27: Hindu Adhorom kirim arat angbong ningkan esek pen ephong kethenai Durga Karkli mate Pai Durga aphan kardom-karkli asai pini pen India detpi arlo alir-alon pen katalon pangcheng lo. Laso katalon along pachetong dunsi ladak Diphu arongsopi pen danglok Karbi Anglong pen West Karbi Anglong hini district along ta ongdung adim along talon dun. Diphu arongsopi avaikang Sitlabari, Shivbari, Panbari, Baruwari puja mandav pen danglok pining aningkan long 25 sose adim talon dun pusi birta long dun. Pini kechengsi arni pen amatsi kelang dun chethor-chethor lapen adap apor rat atum chinglu chingthi-et pen katalon adovan along pale dunsi ning kangthirjir amir apu anparta dup-dhuna chekai dunsi Pai Durga arnam ahirjume chohang. Ni pli an kapadoji Durga Karkli katalon alongtin adovan alongta alir-alon kachipi thek dun long. Lason thakthasi Manja, Bakalia, Dokmoka, Langhin, Phuloni, Denarong, Howraghat, Parakhowa, Bokajan, Deopani, Balipathar, Chokihola, Silonijan lapen West Karbi Anglong district arlo ke Hamren, Vothatlangso, Amtereng, Tumpreng, Satgaoun, Dongkamukam, Kheroni, Jengkha, Mailu Kanglang atalom malom anta alir-alon pen Dura Karkli talon dun pusi birta long dun.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives