ADVERTISEMENT

This area is available for advertisement. Please contact for details.

Arnivang
Get Adobe Flash player

Drugs pen Aids akeso nang ingdang bom lo

Drugs ke raki ahormu, heno puke majok ta chinihur lo, seta kecho atum ke cho bom. Drugs kecho ke arta kijum lapen hem alam ke en-o eh a osomar atum. Thihek pen kipudam meme ke kanghonpik pen ane kethe atum kalite kanghon kelongle atumsi lapuson kacheplang-plang. Laso pen aphi ke ajirpo-jirpi ajok pensi lason atovar kedam atum ke-ong. Laso pen aphi ke avi kave, drugs abeha atum kivung pon pen danglok ke ason do-o lo. Drugs kecho a oso pulote kapachobai, kachebohong, kachonghu, kadokai, hormu kejor heihui ke dovek lo. Hem arlo kaike amatsi arklokbok po. Bangso ajok hem kedo ning kangsamse dolo, athe kaike amat kachebohong, kchingchek-kachington, kachetheng, hormu kanahok heihui ke dopik lo. La an pen kanahok kethenai ke hala kechovek abang apran nahok po an pen ahem asor aphan pasung po. Lasi lahai akisung ason ake-ong pen kosonsi lason cheplang long bom lo? Non laso along la an pen athak abang ke drugs kecho pen Aids akeso kangdang hen lo athe latum ingprim kachipum ke isivet angprimsi anuttin ta kachipum-i-i. Laso ajok Aids akeso ingdang-ilo. Non Karbi Anglong angkang phere meme angang an Aids akeso nangklang tang lo. Ke ongnai ke Diphu along pen Khatkhati along. La long ni pangrumpet pen bang suri isi plengkai lo. Neli kipuji abang ke ahokpet ke la an soseji athe ke lake official angthek, seta hala konatne vi satlang chepaklang pen dojoi kalite vi satlang chipipe, lason ta dopik jilang. Laso pen aphi ke jongsi sarmar lapen sarpimar pulote lake achor aphan pa unvek po lapen laso aphi ke a osomar along ta dovek tahai lo. Lasi drugs pen Aids akeso ke penang an kacherap do. Lasi bangso pen kachereji aphan sai dengvek nangji.
Non lahai aphuthak hamphang asong puchot ta kali, anuttin amonitsi cherok nangji. Jongsi lason kahonthe dun dokok pulote police aphan kalite kenangsot amonit lapen adim along pachini nang po. Athe laso akeso ke henopik lapen pavir vek nang po. Lasi lahai along ke police aphan chikilok pen ke un eh athe non akai ahut police force kenangji an aphai ave. Latum kaike ta law and order ka maintain lapen arleng kethe lapen security alongsi dam et. Bangso ajok latum aphan ke chiki-o un eh. Laso pen aphi abang ke police ke chini petpe, lapen ke ili methang ason aning aklong pen ke klemkle det tahai. Lasi bangso kapangthek ke hem along pen amatsi pangcheng nangji. Jongsi hemtun along komatne inut bak lapuson dokok pulote avarsai ri pen adim chinine seta birta kapale thek amonit aphan chethan pen akerap hang nang po athe amethang amat damplut ke akatora dokok tahai. Laso pen aphi ke cherap-cherap pen drugs kecho abangphu aphan rehabilitation centre along bi nang po, seta counselling abang ke pivek nang po. Laso along ke hamphang akeso pu matha ra rat thurpak pen chesong nang po kali pulote hamphang paheno po.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives