ADVERTISEMENT

This area is available for advertisement. Please contact for details.

Arnivang
Get Adobe Flash player

Article 244(A) kapachunji aphan puja aphi Delhi dam po

Diphu, Chiti 27: Article 224(A) Autonomous State kapachunji aphan Karbi Anglong arlo kedo state kehang bom asong KANCHASDCOM, KLNLF lapen JACAS atum kachelang along Karbi Anglong Autonomous Council atum ta cherap dun lo.
Pinpurme, kedamtang Chiti 24 arni KANCHASDCOM, KLNLF, JACAS lapen KAAC atum angbong CEM banglow along isi ardi kedojot amai ingni lo. Laso ahut Karbi Anglong aphan hemprek akenangsot alam kachethan ardipi lo. Mai along penang chingki-chingvai det aphi KANCHASDCOM, KLNLF lapen JACAS atum kachelang along Karbi Anglong Autonomous Council atum ta Article 244(A) Autonomous State kehang along kacherap dunji aphan chekroi lo.
Lasi chelangpet adilung atum non Durja Karli aphi Pre kechengsi arui malom PM Narendra Modi aphan kapacheton damji lapen hemprek kehang kapasik damji aphan pharman-bangphu (Delegates) toipo puta birta long dun.
Pinpur thume, JACAS, KLNLF lapen KANCHASDCOM atum amethang jongjung asong atum hemprek apharman ratpangri (government) pen penang an aphong chingki lo. Seta kichunche det ajoine song thom akemang isivet pinchongsi ratpangri pen kachingkiji aphan cherai lo. Laso along non kevangji arni pen CEM Tuliram Ronghang kejalin KAAC atum ta cheto dun lo.
Delhi kebarji apharman bangphu angbong KANCHASDCOM pen meiphu-chunbang, KLNLF pen chairman pen chunbang lapen JACAS penta pharman bangphu dun po anparta KAAC CEM, EM, MAC do-an atumta dunji puta birta long dun.

Leave a Reply

Your email address will not be published. Required fields are marked *

September 2017
M T W T F S S
« Aug   Oct »
 123
45678910
11121314151617
18192021222324
252627282930  
Archives